Kanosi babain e tij, shpallet në kërkim 41-vjeçari në Korçë

foto ilustruese

KORÇË- Shpallet në kërkim një person dhe procedohen gjashtë të tjerë në Korçë. Mësohet se është shpallur në kërkim 41-vjeçari Z.G pasi ka kanosur babanë e tij, ku ky i fundit është pajisur me urdhër mbrojtjeje.  

Ndërkohë janë proceduar gjashtë persona për dhunë me sende të forta, aksidentimi i një këmbësoreje, përplasja me automjet e një biçiklisti si dhe përplasja e dy automjeteve me njëri-tjetrin.

Materialet procedurale i kaluan Prokurorisë Korçë.

Njoftimi i Policisë:

Drejtoria Vendore e Policisë Korçë 

Komisariati i Policisë Korçë referoi materialet në Prokurori dhe shpalli në kërkim shtetasin Z. G., 41 vjeç, banues në Korçë, pasi në lagjen nr. 6, në ambientet e lokalit të tij, dyshohet se ka kanosur babanë e tij, i cili është i pajisur me urdhër mbrojtjeje.  

Po nga këto struktura u referuan materialet në Prokurori ku filloi procedimi penal për shtetasit E. K., 29 vjeç dhe S. Sh., 21 vjeç, të dy banues në Korçë, pasi dyshohet se janë konfliktuar me njëri-tjetrin, me sende të forta. Të dy janë dërguar në spital, për mjekim.   

Sektori i Policisë Rrugore referoi materialet në Prokurori, ku nisi procedimi penal për shtetasit: 

-B. M., banues në Tiranë, pasi në rrugën “Gani Butka”, në Pogradec, duke drejtuar automjetin, ka aksidentuar një 39-vjeçare, këmbësore, e cila u dërgua në spital, për mjekim;  

-A. M., 56 vjeç, banues në Pogradec, pasi në kryqëzimin e rrugëve "Sul Starova" dhe "Rruga e Korçës", duke drejtuar automjetin, ka përplasur shtetasin A. K., që lëvizte me biçikletë, i cili u dërgua në spital, për mjekim;  

-F. D., 20 vjeç, banues në fshatin Belorta, Korçë dhe A. D., 26 vjeç, banues në Devoll, pasi në aksin rrugor “Korçë-Devoll”, në fshatin Kuç, automjetet që drejtonin janë përplasur me njëra-tjetrën. Të dy shtetasit u dërguan në spital, për mjekim.     

korc kanosje