Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
AKTUALITET
Kanosje, vjedhje dhe shkaktim i aksidentit, procedohen penalisht 11 persona në Korçë
n.fPërditësimi i fundit 22 Korrik 2024, 13:15
KORÇË- Policia e Korçës ka njoftuar së fundmi se janë proceduar penalisht 11 persona për vepra të ndryshme penale. Dy persona, pronarë të një lokali janë proceduar pasi me muzikë të lartë shkaktonin ndotje akustike.
Një tjetër person, një 48-vjeçar është proceduar pasi ka dëmtuar televizorin e një të moshuareje. Nuk kanë munguar edhe rastet e dhunës dhe kanosjes ku janë proceduar dy të tjerë. Ndërkohë një 22-vjeçar është proceduar pasi ka vjedhur në banesën e një 48-vjeçareje një shumë parash. Gjithashtu pjesë e listës së procedimeve janë edhe persona të cilët nuk i janë përgjigjur urdhrit të policisë.
Policia më tej bën me dije se janë regjistruar edhe aksidente. Rasti i parë ka ndodhurnë aksin "Gramsh-Maliq"ku një 64-vjeçar ka humbur kontrollin mbi drejtimin e tij dhe motomjeti ka dalë nga rruga. Për pasojë është dëmtuar lehtë bashkëshortja e tij, pasagjere në motomjet;
Një 23-vjeçar pasi duke drejtuar automjetin tip “Volksëagen”, ka humbur kontrollin mbi drejtimin e tij dhe për pasojë automjeti është përplasur me një pemë dekorative. Nga përplasja janë dëmtuar lehtë drejtuesja e automjetit dhe dy pasagjerë. Materialet procedurale i kaluan Prokurorisë pranë Gjykatës së shkallës së Parë të Juridiksionit të Përgjithshëm Korçë.
Njoftimi:
Drejtoria Vendore e Policisë Korçë/ Komisariati i Policisë Pogradec referoi materialet në Prokurori, ku filloi procedimi penal për shtetasit: M. K., 66 vjeç, banues në Korçë dhe K. K., 29 vjeç, banues në Pogradec, pronarë të dy lokaleve në Pogradec, pasi gjatë kontrolleve të ushtruara në këto lokale, u konstatua muzikë e lartë që shkaktonte ndotje akustike. Në cilësinë e provës materiale u sekuestruan pajisjet që gjeneronin muzikë;
▪︎ A. K., 53 vjeç, banues në fshatin Guri i Kuq, Pogradec, pasi dyshohet se ka kanosur një 42-vjeçar; ▪︎ A. B., 48 vjeç, banuese në Pogradec, pasi dyshohet se ka dëmtuar televizorin në banesën e një 78-vjeçareje;
▪︎ M. D., 49 vjeç, banues në fshatin Mëmëlisht, Pogradec, pasi dyshohet se ka kanosur dhe ka goditur me dorë, një të mitur; ▪︎ A. G., 22 vjeçe, banuese në Pogradec, pasi dyshohet se ka vjedhur një shumë parash, në banesën e një 48-vjeçareje.
Sektori i Policisë Rrugore referoi materialet në Prokurori, ku filloi procedimi penal për shtetasit:
▪︎ A . Gj., 21 vjeç, banues në Elbasan, pasi në aksin "Korçë-Pogradec”, nuk i është bindur urdhrit të punonjësit të Policisë, për të ndaluar automjetin; ▪︎ M. C., banues në fshatin Vashtmi, Maliq, pasi duke drejtuar në mënyrë të parregullt, një skuter, ka humbur kontrollin mbi drejtimin e tij dhe është rrëzuar. Si pasojë është dëmtuar lehtë vetë;
▪︎ M. S., 64 vjec, banues në Austri, pasi duke drejtuar motomjetin, në aksin "Gramsh-Maliq", ka humbur kontrollin mbi drejtimin e tij dhe motomjeti ka dalë nga rruga. Për pasojë është dëmtuar lehtë bashkëshortja e tij, pasagjere në motomjet; ▪︎ D. G., 38 vjeç, banues në Tiranë, pasi në rrugën “Dëshmorët”, në Ersekë, duke drejtuar motomjetin, ka humbur kontrollin mbi drejtimin e tij dhe motomjeti ka dalë nga rruga. Për pasojë janë dëmtuar drejtuesi i motomjetit dhe një 32-vjeçar, pasagjer në motomjet;
▪︎ A. P., 23 vjeç, banuese në fshatin Pendavinj, Maliq, pasi duke drejtuar automjetin tip “Volksëagen”, ka humbur kontrollin mbi drejtimin e tij dhe për pasojë automjeti është përplasur me një pemë dekorative. Nga përplasja janë dëmtuar lehtë drejtuesja e automjetit dhe dy pasagjerë. Materialet procedurale i kaluan Prokurorisë pranë Gjykatës së shkallës së Parë të Juridiksionit të Përgjithshëm Korçë.
