Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
Kërkojnë kthimin e dokumenteve dhe pajisjeve të sekuestruara nga SPAK, mbahet në GJKKO seanca për bashkëshorten dhe vëllain e Veliajt
r.llPërditësimi i fundit 20 Dhjetor 2024, 10:47
foto ilustruese
TIRANË- Kërkesa e Ajola Xoxës, bashkëshortes së kryebashkiakut Erion Veliajt dhe vëllait të këtij të fundit për heqjen e sekuestros së disa pajisjeve dhe dokumentave të marra nga SPAK, do të shqyrtohet sot në Gjykatën e Posaçme.
Seanca gjyqësore ka nisur në orën 10:00 dhe kërkesa do të shqyrtohet nga gjyqtarja Atalanta Zeqiri. Ndërkohë, një tjetër kërkesë është paraqitur në Apelin e GJKKO-së nga avokatët mbrojtës të tyre. Të dy avokatët pretendojnë që kontrollet janë bërë në shkelje të ligjit procedural për mungesë shkaku të ligjshëm. Gjyqtarja që do të shyrtojë ankimimin do të jetë Ilirjana Olldashi, ndërsa ende nuk ka një datë për seancën.
Mëngjesin e 6 dhjetorit me urdhër të Gjykatës së Posaçme kundër Korrupsionit dhe Krimit të Organizuar, oficerët e policisë gjyqësore ushtruan kontrolle në zyrat e kompanisë së bashkëshortes së kryebashkiakut të Tiranës Erion Veliaj, ndërsa më parë i kishin sekuestruar dhe telefonin celular.
Kontrolle u ushtruan dhe në banesën e vëllait të Veliajt. Vetë Prokuroria e Posaçme nuk dha detaje, por u mjaftua të shpjegojë se ka kryer disa "veprime hetimore në kuadër të një procedimi penal". Ndaj Veliajt ka nisur një hetim pasuror, ndërsa po shihet dhe roli i tij në rastin e inceneratorit të Tiranës si dhe në çështjen e kompanisë "5D", që zotërohej nga ish-drejtorë të Bashkisë. Veliaj reagoi në mbrëmje të premten duke deklaruar se mbështet në çdo hap veprimet e Prokurorisë.
