Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
Kishin paralajmëruar grumbullim në Athinë, policia greke ndalon organizimin e shqiptarëve: Mund të provokojnë tensione dhe reagime negative te vendasit
r.llPërditësimi i fundit 14 Dhjetor 2024, 22:36
foto ilustruese
GREQI- Policia greke ka ndaluar zhvillimin e një organizimi të shqiptarëve, thirrur përmes rrjeteve sociale dhe që pritej të mbahej ditën e nesërme në lagjen Alimo të Athinë. Sipas policisë në Greqi, shkaqet e ndalimit të organizimit janë se ngjarja mund të shoqërohej me përdorimin e flamujve shqiptarë dhe parullave patriotike, që mund të provokojnë tensione dhe reagime negative te qytetarët vendas.
Në njoftimin e Drejtorisë së Policisë së Atikës jug-perëndimore, nuk specifikohet se për çfarë lloj tubimi bëhet fjalë. ELAS njoftoi se me vendim të Drejtorit të Policisë së Atikës Juglindore ndalon tubimin publik në natyrë, i cili është paralajmëruar për nesër në orën 19:00 në rrugën “Koris” në zonën e Alimos.
“Ndalimi i mësipërm vendoset nga njëra anë, pasi ka rrezik serioz për prishje të jetës social-ekonomike në zonën e caktuar nga mbajtja e tubimit të mësipërm dhe nga ana tjetër, mbajtja e tij do të shkaktojnë pengim të qarkullimit dhe aksesit në shërbimet publike, organizatat me përfitim të përbashkët dhe institucionet infermierore, funksionimin e infrastrukturës dhe objekteve publike dhe furnizimin e tregut me sende jetike”, thuhet në njoftimin e ELAS.
Sipas raportimeve, organizimi i paralajmëruar për nesër nuk ka një arsye formale si në rastin e festës së pavarësisë më 28 nëntor, ndaj janë marrë masat nga autoritetet që jo vetëm të ndalohet ky grumbullim, por edhe të marren masa të rrepta për pjesëmarrësit në të. Në festën e pavarësisë më 28 nëntor mijëra shtetas shqiptarë që jetojnë në Greqi festuan me këngë, valle dhe flamuj shqiptarë në sheshin “Sindagma” të Athinës.
