Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
KLSH: Në treg janë hedhur ilaçe të skaduara. Shteti mbyll sytë para skandalit
PiranjatPërditësimi i fundit 2 Janar 2026, 19:29
Në tregun shqiptar janë hedhur ilaçe të skaduara dhe situata bëhet akoma më alarmante kur, strukturat shtetërore nuk kanë bërë asnjë reagim, megjithëse janë plotësisht në dijeni të kësaj situate.
Kontrolli i Lartë i Shtetit thotë se institucioni përgjegjës, Fondi i Kujdesit të Sigurimit Shëndetësor, nuk kryen verifikime të vazhdueshme, duke krijuar boshllëk në zinxhirin e sigurisë farmaceutike.
Kjo neglizhencë ka krijuar kushtet që barnat e skaduara ose pranë skadencës të qarkullojnë në tregun e hapur, të përdoren nga pacientët dhe të rimbursohen nga fondet publike në rastin kur është shitur në farmacitë me kontratë. Sipas KLSH-së kjo situatë përbën fenomen, gjë që do të thotë se është e përhapur gjerësisht në tregun farmaceutik shqiptar.
‘Ky fenomen përbën shkelje të protokolleve mjekësore të përdorimit të barnave dhe bie në kundërshtim me standardet e sigurisë dhe cilësisë’, thuhet në raportin e Auditit, të përfunduar në Tetor 2025. Krahas rrezikut mbi shëndetin e qytetarëve, fenomeni i shitjes së ilaçeve të skaduara apo pranë skadencës është shoqëruar edhe me një faturë të konsiderueshme financiare për buxhetin publik.
Kontrolli i Lartë i Shtetit thotë se, pavarësisht se ka evidenca që depo të ndryshme farmaceutike kanë shpërndarë medikamente të skaduara, sërish Fondi i Kujdesit të Sigurimit Shëndetësor ka kryer rimbursimin financiar të tyre, duke i konsideruar si të rregullta.
