Ardhja e shtetasve të huaj në Shqipëri për qëllime studimi kryesohet nga italianët dhe indianët.
Deri në qershor 2026...
AKTUALITET
“Kombinimi”/ Arrestohet 35-vjeçari me armë zjarri dhe kokainë për shitje, pamje nga momenti kur policia zbulon drogën (Emri)
PiranjatPërditësimi i fundit 21 Shtator 2025, 10:14
Një 35-vjeçar përfundoi në prangat e policisë pasi akuzohet për shpërndarje të lëndëve narkotike dhe posedimit të armëve të zjarrit dhe municionit luftarak në banesë.
Policia operacioni “Kombinimi” çoi në arrestimin e shtetasit Markeliano Pirtea., 35 vjeç, banues në Tiranë.
Njoftimi:
Shpërndante lëndë narkotike kokainë dhe mbante armë zjarri dhe municion luftarak në banesë, vihet në pranga 35-vjeçari.
Sekuestrohen arma e zjarrit pistoletë, rreth 135 gramë kokaine, të cilën dyshohet se e posedonte me qëllim shitjen në doza dhe municion luftarak.
Shërbimet e Komisariatit të Policisë Nr. 2 në vijim të punës për goditjen e aktivitetit kriminal të shpërndarjes së lëndëve narkotike dhe armëmbajtjes pa leje, pas një informacioni të siguruar në rrugë operative, organizuan dhe finalizuan me sukses operacionin policor të koduar “Kombinimi”, në kuadër të të cilit vunë në pranga shtetasin:
-M. P., 35 vjeç, banues në Tiranë.
Gjatë kontrollit të banesës së tij shërbimet e Policisë gjetën një armë zjarri pistoletë të cilën e kishte fshehur te depozita e ujit, municion luftarak dhe lëndë narkotike kokainë.
Nga veprimet hetimore të kryera dyshohet se pasi siguronte lëndë narkotike kokainë, e ndante në doza me qëllim shitjen e saj.
Gjithashtu, gjatë veprimeve procedurale, rezultoi se ky shtetas gjatë një konflikti për motive të dobëta, kishte goditur me qytën e pistoletës, shtetasin S. I, duke i shkaktuar dëmtime sipërfaqësore. Materialet procedurale i kaluan Prokurorisë, për veprime të mëtejshme. /Piranjat/
