Një aksident rrugor me pasoja është regjistruar mesditën e sotme, rreth orës 14:05, në afërsi të qytetit të Grams...
AKTUALITET
Kremtohet 'Dita e Ujit të Bekuar' në Berat, 16-vjeçari kap kryqin për të dytin vit radhazi
ZH.LLPërditësimi i fundit 6 Janar 2025, 13:21
berat
BERAT- Berati ka kremtuar këtë 6 janar 'Ditën e Ujit të Bekuar'. Ceremonia fetare u zhvillua në kishën e Shën Dhimitrit teksa u mbajt mesha dhe këndimi i ujite të bekuar. Prifti i Beratit, Imzot Asti, me kryqin në dorë dhe nën tingullin e këmbanave të Kishës, përshkoi pedonalen e qytetit dhe i'u drejtua lumit Osum, për të hedhur kryqin,simbolin e kësaj feste.
Ndërkohë, për ta kapur kryqin në ujë janë hedhur 7 të rinj, por kryqi u kap nga një 16-vjeçar, Konstandin Boçi. Për të riun, ky është viti i dytë radhazi që kap kryqin. Ashtu siç ndodh çdo vit, të riut që kap kryqin i dhurohet një shumë parash. Më pas vetë ai dhe djemtë e tjerë, me kryqin në duar, shkon në çdo shtëpi të lagjeve: "Goricë", "Mangalem" e "Kala".
Pas hedhjes së kryqit, të gjithë besimtarët e krishterë beratas, i drejtohen sërish Kishës së "Shën Dhimitrit", për të mbushur enët me ujë të bekuar, të cilin e marrin në shtëpi dhe e mbajnë për gjithë vitin, pasi ky ujë për ta shërben për të shëruar shpirtrat dhe trupin dhe pihet sa herë kur ata janë të sëmurë. Ujin e mbajn një vit, deri 6 janarin e viti të ardhshëm dhe ai nuk mer erë ndërsa e përdorin duke spërkatur shtëpinë ose dhe vet pjestarët e familjes kjo pasi sipas tyre sjell mbarësi.
