Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
AKTUALITET
Krujë/ Kapen dy raste kultivimi kanabisi. Arrestohet një i moshuar, në kërkim 62-vjeçari
PiranjatPërditësimi i fundit 2 Shtator 2025, 13:58
Janë goditur dy raste të kultivimit të kanabisit në Krujë. Policia bën me dije se është arrestuar në flagrancë një 66-vjeçar, pasi është kapur duke ujitur 54 bimët narkotike që kishte kultivuar në oborrin e banesës së tij.
Më tej, policia raporton se ka shpallur në kërkim një 62-vjeçar dhe ka proceduar bannë e tij të moshuar, pasi dyshohet se kanë kultivuar dy parcela me 50 rrënjë kanabis.
“Shërbimet e Komisariatit të Policisë Krujë, si rezultat i punës kundër veprimtarisë kriminale të kultivimit të bimëve narkotike, evidentuan dhe goditën 2 raste të tjera në këtë fushë, për të cilat:
-u arrestua në flagrancë shtetasi P. Ç., 66 vjeç, pasi u kap duke ujitur 54 bimët narkotike që kishte kultivuar në oborrin e banesës së tij;
-u shpall në kërkim shtetasi Xh. Sh., 62 vjeç, si dhe u referuan materialet në Prokurori, ku nisi procedimi në gjendje të lirë për babanë e tij, shtetasin P. Sh., 82 vjeç, pasi nga një hetim i ndjekur me metoda speciale, në drejtimin e Prokurorisë së Tiranës, dyshohet se kishin kultivuar në 2 parcela, 50 bimë narkotike. Punohet për kapjen e shtetasit Xh. Sh.”,-njoftoi policia.
