Kryeministri i Britanisë takim me homologen e tij italiane, shpreh interesimin mbi marrëveshjen Shqipëri-Itali për pritjen e emigrantëve

keir starmer dhe giorgia meloni

ITALI- Kryeministri i Britanisë së Madhe, Keir Starmer ka zhvilluar ditën e sotme një takim me homologen e tij italiane, Giorgia Meloni. Pas takimit dy liderët kanë zhvilluar një konferencë shtypi të përbashkët për mediat, ku një ndër temat e prekura ishte dhe marrëveshja Shqipëri-Itali për emigrantët.

Starmer vlerësoi progresin të Italisë në adresimin e nxitësve të migrimit si dhe masat për të luftuar bandat e trafikantëve. Ai tha se ishte i interesuar për punën e Italisë që parandalon emigrantët të arrijnë në vend, si dhe marrëveshjen e saj për emigrantët me Shqipërinë.

Meloni tha se qeveria e saj ka një plan për migrimin e paligjshëm, ndërsa shtoi se Italia dhe Britania e Madhe mund të jenë në gjendje të zgjerojnë punën e bërë nga agjencitë e zbatimit të ligjit. Dhe mund të ketë hapësirë ​​për t'u siguruar që legjislacioni i tyre të jetë "në harmoni më të madhe" në të ardhmen.

"Trafikantët punojnë ndërkombëtarisht. Asnjë komb në vetvete nuk mund të jetë efektiv në çmontimin e këtyre rrjeteve të trafikantëve.", tha Meloni. 

Liderja italiane theksoi sërish interesimin e Starmer për marrëveshjen për pritjen e emigrantëve dhe përpunimin e kërkesave të tyre për azil në Shqipëri. Meloni u shpreh gjithashtu se puna e kampeve të refugjatëve nuk ka filluar dhe se hapja e tyre mund të vonohet edhe për disa javë.

“Ne po punojmë me seriozitet të jashtëzakonshëm për projektin me Shqipërinë, do të duhen edhe disa javë që të jetë perfekt, do të kisha preferuar që të niste më herët, por ne i kemi sytë e botës të fokusuar tek kjo nismë, nëse kjo kërkon një edhe pak ditë nuk më shqetëson”, u shpreh Meloni një pyetjeje në fund të takimit me kryeministrin britanik. Ajo tha se shqetësimet për shkeljet e të drejtave të njeriut në marrëveshjen e emigrantëve Itali-Shqipëri ishin sipas saj plotësisht të pabaza.

keir starmer giorgia meloni