Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
AKTUALITET
Kryepeshkopi i Thiatires dhe Britanisë së Madhe, uron Fortlumturinë e Tij, Joanin: Zoti ju dhëntë urtësi, durim dhe forcë!
b.zPërditësimi i fundit 19 Mars 2025, 14:04
Nikita
TIRANË - Kryepeshkopi i Thiatires dhe Britanisë së Madhe Nikita, njëkohësisht edhe kryetari i Konferencës së Kishave Evropiane ka dërguar një mesazh urimi për Imzot Joanin i cili është kryepeshkopi i zgjedhur i Kishës Ortodokse Autoqefale pas vdekjes së Janullatos.
Përmes një letra zyrtare Nikita shprehet besimplotë se nën udhëheqjen e Imzot Joanit Kisha në Shqipëri do të vazhdojë që të lulëzojë, duke u rritur në unitet, forcë dhe dashuri për Krishtin dhe njëri-tjetrin.
Gjithashtu Nikita uron që mes anë të bashkëpunimit dhe vizionit të përbashkët, KEK dhe Kisha Ortodokse Autoqefale e Shqipërisë të vazhdojnë të ndërtojnë ura besimi, mirëkuptimi dhe bashkëpunimi midis të krishterëve.
Letra
Marrim pjesë në gëzimin tuaj ndërsa merrni përsipër këtë përgjegjësi të shenjtë dhe lutemi për bekimet e bollshme të Zotit në shërbesën tuaj. Jemi të sigurt se nën udhëheqjen tuaj, Kisha në Shqipëri do të vazhdojë të lulëzojë, duke u rritur në unitet, forcë dhe dashuri për Krishtin dhe për njëri-tjetrin. Udhëheqja juaj do të jetë një aset i paçmuar jo vetëm për Kishën Ortodokse, por edhe për lëvizjen më të gjerë ekumenike.
Besojmë se, përmes bashkëpunimit dhe vizionit të përbashkët, KEK dhe Kisha Ortodokse Autoqefale e Shqipërisë do të vazhdojnë të ndërtojnë ura besimi, mirëkuptimi dhe bashkëpunimi midis të krishterëve. Zoti ju dhëntë urtësi, durim dhe forcë ndërsa udhëhiqni besimtarët në Shqipëri dhe më gjerë.
