Ktheu shtëpinë në fole prostitucioni dhe konsumimi kokaine, arrestohet 36-vjeçarja në Elbasan

foto ilustruese

ELBASAN- Arrestohet një 36-vjeçare në Elbasan. Mësohet se 36-vjeçarja S.S kishte përshtatur banesën për ushtrim prostitucioni dhe përdorim të kokainës.

Banesa ndodhet në lagjen “Beqir Dardha”, dhe në të janë gjetur dhe sekuestruar një shumë parash, kokainë dhe dy celularë. Ndaj 36-vjeçares rëndojnë akuzat për veprat penale “Prostitucioni” dhe "Përshtatja e banesës për përdorim droge".

Njoftimi i Policisë:

Finalizohet operacioni policor i koduar "Illegal", pas një hetimi për disa muaj, me metoda proaktive, për të goditur një rast të ushtrimit të prostitucionit.

Kishte përshtatur banesën e saj, për ushtrim të prostitucionit dhe për përdorim të lëndës narkotike kokainë, arrestohet 36-vjeçarja.

Sekuestrohen një shumë parash e përfituar nga kjo veprimtari kriminale, një sasi kokaine dhe 2 celularë.

Si rezultat i një hetimi disamujor, me metoda proaktive, të kryer në drejtimin e Prokurorisë së Elbasanit, për të goditur një rast të veprimtarisë kriminale të ushtrimit të prostitucionit, Komisariati i Policisë Elbasan finalizoi operacionin policor të koduar “Illegal”.

Në kuadër të këtij operacioni u arrestua shtetasja S. S., 36 vjeçe, banuese në Elbasan, për veprat penale “Prostitucioni” dhe "Përshtatja e banesës për përdorim droge".

Nga hetimet rezultoi se kjo shtetase kishte përshtatur banesën e saj, në lagjen “Beqir Dardha”, për ushtrim të prostitucionit dhe për përdorim të lëndës narkotike kokainë.

Materialet procedurale i kaluan Prokurorisë pra Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

elbasan prostitucion