Pas grumbullimit në sheshin “Skënderbej”, protestuesit kanë nisur marshimin drejt Kryeministrisë, duke vijuar protestën kun...
AKTUALITET
Kukës/ “Landfill në fshati Përbreg”, banorët dalin në protestë: Po na rrezikojnë jetën, projekti u vendos pa miratimin tonë
PiranjatPërditësimi i fundit 25 Shtator 2025, 09:55
Banorët e fshatit Përbreg në Kukës janë kundër ndërtimit të landfillit në zonën e tyre, duke paralajmëruar se nuk do të lejojnë realizimin e projektit që sipas tyre rrezikon mjedisin dhe jetesën e përditshme.
Sipas tyre, vendimi është marrë pa konsultim publik dhe përfaqëson një rrezik të drejtpërdrejtë për tokat, ujërat dhe ajrin që ata përdorin për jetesën e përditshme.
Banorët thonë se janë të vendosur të mos lejojnë zbatimin e projektit dhe kanë paralajmëruar se do të përdorin çdo mjet ligjor për ta ndalur.
Kryeplaku i fshatit, Hamit Dida, shprehet se komuniteti nuk është kundër zhvillimit, por kërkon transparencë dhe një vendimmarrje të drejtë.
“Ky projekt është vendosur pa dijeninë dhe miratimin tonë. Është një vendim që nuk merr parasysh interesin e banorëve dhe rrezikon jetën në këtë zonë. Ne do të bëjmë gjithçka për ta ndalur.”
Ndërkohë, Bashkia e Kukësit mbetet e vendosur të zbatojë projektin.
Kryebashkiaku Albert Halilaj argumenton se landfilli bën pjesë në Reformën Kombëtare për Menaxhimin e Integruar të Mbetjeve 2025–2030 dhe ka për qëllim “përmirësimin e jetës së banorëve dhe riciklimin e mbetjeve”.
Por për banorët, kjo është vetëm një përpjekje për të imponuar një projekt pa transparencë dhe pa respekt për interesat e komunitetit lokal.
Tensioni në fshat rritet ndërkohë që dialogu me institucionet duket i pamundur dhe shqetësimet për ndotjen e tokës, ujërave dhe ajrit mbeten 'në vesh të shurdhët'.
