Kultivoi 77 bimë kanabis në fshatin Toç, arrestohet 66-vjeçari në Memaliaj

pamje nga ngjarja

MEMALIAJ- Arrestohet një 66-vjeçar në Memaliaj. Mësohet se 66-vjeçari N.H ka kultivuar 77 bimë kanabis në fshatin Toç.

Bimët narkotike u asgjësuan nga policia dhe me rastin do të merret Prokuroria Gjirokastër.

Njoftimi i Policisë:

Memaliaj/Kontrolle intensive të territorit dhe hetime proaktive, në kuadër të planit operacional kombëtar të koduar “Territor i pastër”.

Si rezultat i një hetimi me metoda proaktive, identifikohet, kapet dhe vihet në pranga autori i dyshuar i kultivimit të 77 bimëve narkotike cannabis sativa. 

Asgjësohen bimët narkotike që ishin kultivuar në fshatin Toç.    

Në zbatim të masave të përcaktuara në planin operacional kombëtar “Territor i pastër”, për parandalimin, evidentimin dhe goditjen e tentativave për kultivimin e bimëve narkotike, shërbimet e Stacionit të Policisë Memaliaj, bazuar edhe në inteligjencën policore, kanë intensifikuar kontrollet në terren dhe veprimet hetimore.   

Në këtë kuadër, si rezultat i një hetimi me metoda proaktive, të kryer në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, shërbimet e Stacionit të Policisë Memaliaj goditën një rast të kultivimit të bimëve narkotike, për të cilin u arrestua në flagrancë shtetasi:    

N. H., 66 vjeç, banues në fshatin Toç, bashkia Memaliaj, pasi dyshohet se ka kultivuar në një sipërfaqe toke në këtë fshat, 77 bimë narkotike cannabis sativa, të cilat u asgjësuan nga Policia, me anë të djegies.    

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprën penale “Kultivimi i bimëve narkotike.

memaliaj droge