Ndërsa vendet që mbështesin Kievin po shtojnë ndihmat e tyre ushtarake, Moska flet për një afrim të mundshëm me SHBA-n...
AKTUALITET
“Lajm jashtëzakonisht i mirë dhe shpresëdhënës”/ Tedi Blushi reagon për kapjen e Maduros: Sinjal i fortë inkurajimi për opozitën shqiptare
PiranjatPërditësimi i fundit 3 Janar 2026, 18:12
Deputeti i PL-së, Tedi Blushi ka komentuar rrëzimin e presidentit venezuelian Nikolas Maduro, duke e cilësuar ngjarjen si “jashtëzakonisht të mirë dhe shpresëdhënëse” për të gjithë popujt që vuajnë nën regjime të ndërtuara mbi drogën, krimin dhe manipulimin e zgjedhjeve.
Sipas Blushit, kjo ngjarje përbën gjithashtu një mesazh të fortë për opozitën shqiptare, që të bëjë gjithçka për të shkurtuar ditët e “Narkoshtetit” të vetëm në Europë, të cilin mediat amerikane e kanë quajtur me të drejtë “Ramaduro”.
“Fundi i pashmangshëm i regjimeve të tilla tregon se asnjë diktaturë, sado e gjatë apo e egër, nuk është e përjetshme dhe se fundi i narkodiktatorëve është gjithmonë i njëjtë”, shkruan Blushi.
Rrëzimi i Maduros është një lajm jashtëzakonisht i mirë dhe shpresëdhënës për të gjithë njerëzit e lirë, veçanërisht për popujt që vuajnë nën regjime të ndërtuara mbi drogën, krimin dhe manipulimin e zgjedhjeve. Është gjithashtu një sinjal i fortë inkurajimi për opozitën shqiptare, për të bërë gjithçka që t’i shkurtojë ditët Narkoshtetit të vetëm në Europë, të cilin mediat amerikane me të drejtë e kanë cilësuar “Ramaduro”. Fundi i pashmangshëm i regjimeve të tilla është dëshmi se asnjë diktaturë, sado e gjatë apo e egër, nuk është e përjetshme dhe se fundi i narkodiktatorëve është gjithmonë i njëjtë.
