Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
LAJMI I FUNDIT/ Domatet me pesticide, Gjykata e Beratit liron dy inspektorët e AKU-së
PiranjatPërditësimi i fundit 12 Shtator 2025, 16:34
Gjykata e Shkallës së Parë në Berat ka caktuar masat e sigurisë për tre personat e arrestuar pas kapjes së 8 ton domateve me pesticide ne Kroaci dhe qe ishin eksportuar nga Shqiperia, ku gjyqtarja Ardiola Çela vendosi “Arrest në burg” për Mariglen Qorrin, 40 vjeç, pronar i kompanisë së eksportit të perimeve dhe “Arrest në shtëpi” për Griselda Doksanin, 25 vjeçe dhe Ronaldo Lika, 27 vjeç, të dy punonjës të Autoritetit Kombëtar të Ushqimit në Berat.
Griselda Doksani dhe Ronaldo Lika u arrestuan pasi lejuan në mënyrë të qëllimshme eksportin e 8 tonëve domate me përmbajtje të lartë pesticidi drejt Kroacisë. Bashkë me ta u arrestua edhe administratori i firmës eksportuese “EraFruit”, Mariglen Qorri, 40 vjeç.
Sipas hetimeve, inspektorët kishin plotësuar dokumentacionin në mënyrë fiktive, duke mos kryer marrjen e mostrave të domateve në magazinë dhe duke mos ndërmarrë asnjë masë bllokimi të tyre. Për më tepër, ata kanë pranuar si të rregullta faturat fiktive të paraqitura nga biznesmeni, duke manipuluar faktet mbi origjinën dhe cilësinë e produkteve.
Domatet e eksportuara rezultuan me nivele të larta të preparatit të ndaluar “Chlorefenapyr” dhe u asgjësuan nga autoritetet kroate menjëherë pas analizave laboratorike.
