Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
Lamallari betohet si Ministër i Brendshëm: Do të shërbej me integritet dhe profesionalizëm
PiranjatPërditësimi i fundit 6 Mars 2026, 11:52
Besfort Lamallari është betuar në Presidencë si Ministër i Brendshëm i Shqipërisë. Pas ceremonisë së betimit, përmes një reagimi ai theksoi përgjegjësinë që merr me këtë detyrë dhe angazhimin për forcimin e sigurisë dhe të sundimit të ligjit.
Lamallari shprehet se e merr këtë detyrë me përgjegjësi të madhe, përulësi dhe vendosmëri për t’i shërbyer vendit dhe qytetarëve me integritet, profesionalizëm dhe përkushtim të plotë.
Reagimi i plotë:
Betimi te Presidenti i Republikës si Ministër i Brendshëm. E marr këtë detyrë me përgjegjësi të madhe, me përulësi, por edhe me vendosmërinë për t’i shërbyer vendit dhe qytetarëve me integritet, profesionalizëm dhe përkushtim të plotë. Do të punojmë së bashku për të ngritur standardet e sigurisë në nivelin e vendeve të Bashkimit Europian, duke përshpejtuar çdo hap të përafrimit të institucioneve tona me praktikat dhe standardet më të mira.
Falënderues kryemistrit Rama për besimin e dhënë dhe Partisë Socialiste.
Përgjegjësia tani është të veprojmë me vendosmëri dhe rezultate e së bashku të jemi në lartësinë e nevojave dhe pritshmërive të qytetarëve dhe të qëndrojmë përballë kujtdo që shkel ligjin.
