EMRI/ Lejoi kultivimin e kanabisit në fshatin Ungrej, arrestohet ish-oficeri i policisë në Lezhë

njoftimi i AMP

LEZHË- Agjencia e Mbikëqyrjes Policore ka arrestuar një ish-oficer policie në Lezhë. Mësohet se ish-oficeri i policisë Klisman Nikolli 29 vjeç, para dy vitesh u shpall në kërkim nga AMP pasi kishte lejuar kultivimin e kanabisit në fshatin Ungrej të Lezhës.

Ndaj Nikollit rëndon akuza për veprën penale “Shpërdorimi i detyrës”.

Njoftimi i Plotë:

Vijon vetëpastrimi në Policinë e Shtetit, AMP arreston ish-oficerin e policisë

Pas hetimeve të thelluara nën drejtimin e Prokurorisë, Agjencia e Mbikëqyrjes Policore ka ekzekutuar masën e sigurimit personal “Arrest në burg”, caktuar nga Gjykata e Shkallës së Parë të Juridiksionit të Përgjithshëm Lezhë ndaj ish-oficerit të policisë K.N., 29 vjeç, i dyshuar për kryerjen e veprës penale “Shpërdorimi i detyrës”.

 Dy vite më parë ish-oficeri K.N. u shpall në kërkim nga AMP, pasi dyshohej se gjatë ushtrimit të detyrës në Komisariatin e Lezhës, ka lejuar kultivimin e kanabisit në zonën e Njësisë Administrative Ungrej.

 Lufta kundër kultivimit të kanabisit, parandalimi dhe goditja e paligjshmërive në rradhët e policisë së shtetit vazhdon në mënyrë sistematike, intensive, me një bashkëpunim të të gjithë institucioneve ligjzbatuese.

lezhe amp