Sipas të dhënave të publikuara nga INSTAT për vitin 2025, fondi pyjor dhe kullosor i Shqipërisë është 1.731.891 hektar&e...
AKTUALITET
Lëvizjet pas festave të fundvitit, fluks i lartë në pikën kufitare Morinë–Vërmicë
PiranjatPërditësimi i fundit 3 Janar 2026, 11:34
Vijon fluksi i shtuar i qarkullimit në Pikën Kufitare të Kontrollit Morinë, si pasojë e lëvizjeve të shumta të qytetarëve gjatë ditëve të pushimeve. Gjatë 24 orëve të fundit, në hyrje të territorit janë regjistruar 14 mijë e 917 shtetas, të cilët kanë udhëtuar me 4 mijë e 487 automjete. Ndërkohë, në dalje janë evidentuar 17 mijë e 26 shtetas me 4 mijë e 993 automjete.
Kalimi i pushimeve në zonat turistike të Kosovës, si Rugova, Brezovica, Prizreni dhe Gjakova, ka ndikuar drejtpërdrejt në rritjen e lëvizjeve në këtë pikë kufitare, ku vetëm gjatë kësaj periudhe kanë kaluar rreth 17 mijë qytetarë. Ndërsa numri i shtetasve që kanë hyrë në territorin e vendit tonë është afro 15 mijë.
Fluksi pritet të vijojë në rritje, pasi largimi i emigrantëve drejt vendeve ku jetojnë dhe punojnë ka shtuar ndjeshëm trafikun në këtë segment kufitar, në sinkron edhe me lëvizjet sezonale të pushuesve.
Autoritetet kufitare bëjnë me dije se janë marrë të gjitha masat e nevojshme për të shmangur krijimin e radhëve dhe për të lehtësuar procedurat e kalimit, me 12 sportele funksionale, si në hyrje ashtu edhe në dalje, duke garantuar një qarkullim sa më të shpejtë dhe të sigurt për qytetarët.
