Linja "Wizz Air" lë gjithë natën në Rinas 160 pasagjerë, u shtyn fluturimin disa herë

Foto ilustruese

TIRANË- 160 pasagjerë kanë kaluar natë në aeroportin "Nënë Tereza" pasi fluturimi i tyre Tiranë-Bari, me linjën ajrore, "Wizzair" u shty për të disatën herë. Mësohet se pasagjerët kishin shkuar në aeroport për t’u nisur në orën 21:30 por fluturimi u shty për në orën 22:30.

Fluturim u shty sërish për në orën 01:30 të mëngjesit por edhe ajo shtyrje u pasua më pas më anulim të udhëtimit. Pasagjerët të gjendur para situatave të njëpasnjëshme të shtyrjes së udhëtimin gjithashtu u lanë pa ushqim dhe pa informacion për disa orë brenda aeroportit.

Mësohet se deri në orën 2 të mëngjesit atyre nuk u është dhënë asnjë shpjegim, për këtë situatë të krijuar. Më pas bëhet me dije se në orën 2 u është komunikua se fluturimi i tyre do nisen sot në orën 13:00. Sipas raportimeve deri në orën 4 të mëngjesit pasagjerët janë lënë duke u sjellë nëpër aeroport ku më pas në orën 04:30 një pjesë ë tyre janë dërguar në hotel.

Në hotel janë dërguar vetëm disa pasagjerë duke i lënë pasagjerët e tjerë të gjejnë vetë një rrugëzgjidhje për akomodimin e tyre ndonëse është detyrë e kompanisë ajrore t’i sigurojë ushqimin dhe fjetje, ose t’u gjejë një fluturim alternativ.

Në këto javët e fundit me rritjen e trafikut ajror falë ardhjes së turistëve, vonesat me fluturimet e WizzAir nga dhe drejt Shqipërisë janë shtuar, duke shkaktuar probleme dhe pakënaqësi mes udhëtarëve, të cilët nuk kanë asnjë formë mbrojtjeje.

Sipas kompanisë mund të bëhet dëmshpërblim vetëm kur vonesa kalon 3 orë, por në rastin e mësipërm ky afat kohor është tejkaluar. Mbetet për t’u parë nëse autoritetet shqiptare të kontrollit të aviacionit civil do të ndërhyjnë për të sanksionuar WizzAir për vonesat e përsëritura.

wizzair rinas pasagjere