Tensione janë shënuar gjatë protestës së studentëve dhe pedagogëve para Ministrisë së Arsimit, ku policia ka nd&e...
AKTUALITET
Linza si Kandahari, qindra banorë të lënë në harresë nga Bashkia Tiranë, rruga gropa gropa dhe me gurë, rrezik për banorët! Kur bie shi me çizme me vete
PiranjatPërditësimi i fundit 20 Tetor 2025, 17:12
TIRANË- Përtej grataçelave të larta që ngrihen në qiellin e kryeqytetit jo si një shenjë zhvillimi, por të një babëzie për të shkatërruar çdo centimetër tokë të Tiranës që tashmë nuk i ka mbetur më asgjë e kaluara e saj, ndriçimit dhe të asaj që në gjuhën e qeverisë vendore dhe qendrore quhet zhvillimi, kemi një realitet krejt tjetër.
Mjafton të kalosh qendrën për të kuptuar se Tirana nuk është ajo që ‘shitet’ në reklama apo video 3D, pasi realitei është ndryshe. Siç është rasti i Linzës, në Njësinë Administrative të Dajtit, ku sheshet dhe rrugët që lidhin pallatet, dhe këtu të ndërtuara pa kriter, janë gropa gropa, pa asnjë infrastrukturë dhe nuk kanë parë dritën e investimit prej vitesh tashmë.
Mjafton të shohësh këto video, të mbërritura në redaksinë e Piranja News për të kuptuar se Tirana nuk është ajo që na shitet, por ajo që jetojmë çdo ditë. Banorët shprehen se kjo është kthyer në problem të madh, ndërkohë që zëri i tyre nuk është dëgjuar.
"Jetojmë në Linzë, situata është skandaloze, rrugët janë gropa gropa, nuk kemi ku të kalojmë’’, shprehen qytetarët.
Rruga e çarë në mes për shkak të degradimit, ngjan më shumë si Kandahari jo si kryeqyeti i një vendi që aspiron të shkojë në Bashkimin Europian. Gurët në mes janë një burim aksidenti, ndërsa dhe rrezik për të gjithë ata që kalojnë në rrugë.
Ndërsa kur koha është me shi, kur të dilni nga shtëpia, për të shkuar në punë, shkollë apo për të ndjekur rutinën e përditshme, duhen marrë çizmet me vete. A është kjo Tirana e premtuar apo e sakatuar nga mungesa e investimeve?/Piranjat
