Identifikohet 16-vjeçari që humbi jetën në aksidentin me motor në Shkodër
Është bërë i ditur identiteti i...
AKTUALITET
Masakra e Dobraçit/ Avokati Tahiraj: Safet Bajri është i gatshëm të përballet me hetimet. Lala: Prokuroria po kërkon një provë...
b.zPërditësimi i fundit 18 Shkurt 2025, 22:27
Klodiana Lala
TIRANË - Avokati i Safet Bajrit, i akuzuar për përfshirje në masakrën e Dobraçit, ka deklaruar se ndaj klientit të tij nuk ka asnjë provë që e lidh me 3 ngjarje kriminale, siç pretendon prokuroria.
Ka qënë gazetarja, Klodiana Lala, e cila ka cituar mesazhin e avokatit Sokol Tahiraj i cili thotë se Safet Bajri ka qenë i hapur ndaj hetimeve dhe është i gatshëm të përballet me hetimet. E ftuar në emisionin "Open" në News 24, Lala thotë se kërkohet një provë e cila sipas prokurorëve mund ta dërgojë tek masakra e Dobracit, që është armë, foto, usb apo telefon nuk dihet.
Lala gjithashtu thotë se pasditen e 23 gushtit të vitit të kaluar në fshatin Rranxa në Njësinë Administrative Bushat, Bashkia Vau i Dejës, Izmir Sakicaj, Samuel Troshani bashkë me persona të tjerë janë përplasur me armë me Andrea dhe Aleksandër Prendin. I pranishëm sipas saj ka qenë dhe Safet Bajri, i cili udhëtonte me një automjet të blinduar. Sakica dhe Troshani pretenduan se ishin viktima, pasi u sulmuan më armë, thotë Lala, por nga akti i ekspertimit rezultoi se Samuel Troshani ka bërë qitje me armë atë ditë, pasi në dorën e tij u gjetën gjurmë të fatit.
Lala:Më kërkoi avokati i Safet Bajrit të ndërhynte në lidhje. Avokati thotë se nuk ka asnjë provë që e lidh me asnjë grup kriminal thotë Sokol Tahiraj, disa herë i kanë ardhur në shtëpi dhe ka qenë i hapur me hetimin dhe ka qenë i gatshëm të përballet me këtë hetim. Se si lidhen 3 ngjarjet kriminal të ndryshme është cështje e prokurorisë. Unë e sqarova që s’ka urdhër arrest ndaj tij.
Unë po e sqaroj për opinionin publik; Kërkohet një provë e cila sipas prokurorëve mund ta dërgojë tek masakra e Dobracit, është armë, foto, usb apo telefon nuk dihet. RENEA ndërmori në orët e para të mëngjesit të së martës një aksion në Dobraç dhe zona të tjera të Shkodrës, por nuk mundi t’i vinte në pranga. Nga ana tjetër, gjykata e posaçme ushtroi kontroll në banesat dhe bazat e grupit kriminal Bajri, përfshirë dhe shtëpinë e Safet Bajrit.
Nga hetimet e SPAK rezultoi se pasditen e 23 gushtit të vitit të kaluar fshatin Rranxa në Njësinë Administrative Bushat, Bashkia Vau i Dejës, Izmir Sakicaj, Samuel Troshani bashkë me persona të tjerë janë përplasur me armë me Andrea dhe Aleksandër Prendi. I pranishëm ka qenë dhe Safet Bajri, i cili udhëtonte me një automjet të blinduar.
Sakica dhe Troshani pretenduan se ishin viktima, pasi u sulmuan më armë. Por nga akti i ekspertimit rezultoi se Samuel Troshani ka bërë qitje me armë atë ditë, pasi në dorën e tij u gjetën gjurmë të fatit.
