Ish-zëvendëskryeministres Belinda Balluku iu komunikua sot shtyrja e hetimeve nga ana e SPAK deri më janar të vitit 2027. Siç shihe...
AKTUALITET
Masakroi me thikë dhe çekiç fqinjin e moshuar, arrestohet 39-vjeçari në Durrës
r.llPërditësimi i fundit 31 Dhjetor 2024, 11:02
pallati ku ndodhi vrasja
DURRËS- Fation Janina, 39-vjeçari i cili masakroi për vdekje me thikë dhe çekiç fqinjin e tij të moshuar është vënë në pranga nga policia. 82-vjeçari, Paulin Gina u gjet pasditen e djeshme i pajetë në banesën e tij, ndërsa nga këqyrja e trupit të tij eksperti mjekoligjor konstatoi se kishte dëmtime të shumta të shkaktuara me mjet prerës dhe me sende të forta.
Nga veprimet hetimore u zbulua se autori ishte 39-vjeçari, i cili kishte shkuar në banesën e të moshuarit, për ti kërkuar atij para, por Gina nuk i kishte dhënë. Më pas Janina e ka goditur me sende të forta dhe thikë, duke i shkaktuar plagë të shumta.
Ndërsa nga pamjet e kamerave te sigurisë të një karburanti ngjitur është konstatuar lëvizja e fundit e viktimës dhe hyrjet e daljet e vetme që kanë ndodhur në pallat gjatë kësaj fashe orare, që kanë qenë ato të fqinjëve.
Autori 39-vjeçar, i cili njihet nga banorët si person problematik, akuzohet për veprat penale “Vrasja me dashje” dhe “Mbajtja pa leje e armëve të ftohta”. Ndërkohë gjatë kontrollit në banesën e autorit të dyshuar, u gjetën dhe sekuestruan në cilësinë e provave materiale 2 thika, 1 çekiç dhe veshjet që dyshohet se ka patur autori gjatë kryerjes së krimit.
