Mbajti peng fëmijët dhe qëlloi drejt policisë, flet vjehrra e Aleks Marku: Ai ma dhunonte gocën, ishte i alkoolizuar! Se si shpëtuan ata kokën përmes plumbave

Arrestimi

DURRËS- Detaje të reja janë zbardhur në lidhje me ngjarjen e regjistruar pak ditë më parë në Duurës ku Aleks Marku qëlloi drejt policisë teksa mbante të rrëmbyer fëmijët e tij. Në lidhje me ngjarjen ka folur  për emisionin “Me zemër të hapur” në News24 vjehrra e Markut. Mara, nëna e Bardha Markut ka rrëfyer se vajza e saj dhunohej nga burri i saj ndërsa fëmijët ishin terrorizuar.

Ajo më tej shtoi se 40-vjeçari ishte i alkoolizuar dhe se nuk punonte pasi nuk dëgjonte të bënte asgjë. Mara shtoi se jo nuk e dinte që ai ishte i dënuar për vjedhje por për dhunë.

“Ne na kanë marrë sot në orën 4. Ne nuk dimë gjë, se nuk na i ka qitur fëmijët. Bardha iku në Itali për dokumentet e fëmijëve. Ai bëri be, se nuk i prek fëmijët. Më pas nuk na i ka nxjerrë as mua as vajzës fëmijët. I thash Aleks; mi nxirr fëmijët ti shoh.

I thash mi sill fëmijët. Fëmijët i kam mbajtur fëmijët dy vite vetë. Vajza erdhi natën në 2 të natës, në 3 erdhi në Lezhë. Ajo kishte frikë se ça do i kishte bërë diçka fëmijëve. Shkuam me taksi në Durrës. Urdhri i mbrojtjes ka qenë në Lezhë. Vjehrri i saj ka faj se gati gjysmën e gjerave zere se i ka bërë ai. Mos e gëzoftë jetën e vetë.

Po ai ishte i alkoolizuar dhe e dhunonte Bardhën. Kanë 11 vite që janë martuar, me shkuesi. Do ndahet nga ai, si t’i besojë atij?! Kurrë! Kishin dy javë që kishin ikur në Durrës me shpresë se mos ecnin. Aleksi nuk bënte asnjë punë, nuk dëgjonte.

Ai i prishi punët në Lezhë. Në Itali nuk di që të ketë qenë i dënuar për vjedhje, por për dhunë. Fëmijët kanë ardhur dy psikologë dhe i kanë marrë. Kur kujtohen kanë trauma. Fëmijët i mbajti me forcë brenda ai në dhomë kur i erdhi policia te dera. Veç Zoti i shpëtoi fëmijët, e falënderoi. Se si shpëtuan ata kokën përmes plumbave”, tha ajo.

aleks marku