Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Mbetën të vrarë pronari grek i një kampingu dhe punëtori i tij shqiptar, zbardhen detajet nga krimi i disa ditëve më parë në Greqi
PiranjatPërditësimi i fundit 7 Tetor 2025, 15:16
Një krim i rëndë tronditi fundjavën e kaluar në kampingun e Finikounda, në Korinth të Greqisë, ku u vranë dy persona, pronari grek i kampingut dhe një punëtor shqiptar, kujdestar i tij. Policia greke ka nisur hetime intensive për të zbuluar autorin dhe motivet e mundshme të këtij krimi makabër, duke përfshirë dy pista kryesore: motiv personal dhe konflikte pronësie.
Viktimat janë identifikuar si pronari i kampingut, një biznesmen grek, dhe kujdestari shqiptar i kampingut, i cili gjithashtu kishte trashëguar një pasuri të konsiderueshme nga pronari i tij. Hetimet e para sugjerojnë se vrasja mund të ketë lidhje me një trashëgimi të pasurisë, që i ishte lënë kujdestarit të kampingut dhe një të afërmi tjetër të pronarit.
Autoritetet greke dyshojnë se motivi i krimit mund të ketë të bëjë me konfliktet e pronësisë, pasi kujdestari i kampingut ishte caktuar si trashëgimtar i vetëm, duke përjashtuar kështu të tjerë anëtarë të familjes. Hetimet janë përqendruar gjithashtu tek një nip i pronarit, i cili ishte i pranishëm në vendngjarje dhe shpëtoi nga sulmi, pavarësisht se autori tentoi ta qëllonte. Ky fakt ka shtuar dyshimet për një motiv personal dhe të mirëplanifikuar.
Sipas informacioneve të para, policia ka përjashtuar mundësinë e grabitet si motiv, duke theksuar se vrasja mund të ketë qenë e lidhur me ndonjë çështje personale ose të pasurisë. Hetuesit po analizojnë të gjitha kontaktet e viktimës dhe mundësinë që dikush tjetër të ketë urdhëruar vrasjen për të përfituar nga pasuria e pronarit.
Një ngjarje dramatike ndodhi në kamping, kur autori, i dyshuar të jetë një i mitur, hyri në kamping dhe ekzekutoi viktimat me një revolver, duke qëlluar në mënyrë të qetë dhe të ftohtë. Ai nuk mbuloi fytyrën dhe nuk hoqi asgjë nga vendi i krimit, duke lënë pas vetëm dy viktima dhe një motor në hyrje të objektit. Pas aktit, autori ka ikur me vrap dhe është shpallur në kërkim, ndërsa identiteti i tij mbetet ende i paqartë.
Kujdestari shqiptar u qëllua pas shpine, ndërsa pronari grek u vra në vend, brenda zyrës së tij. Nuk u gjetën gëzhoja, çka tregon se arma përdorur ishte një revolver. Dëshmitari kryesor, nip i viktimës greke, ka shpëtuar mrekullisht, por nuk ka mundur të identifikojë autorin.
Policia ka marrë në shqyrtim një tjetër mundësi lidhur me dy sulmet e mëparshme që pronari i kampingut dyshohej se kishte pësuar nga një person i panjohur, për të cilin ai nuk kishte ofruar detaje për autoritetet. Hetuesit po shqyrtojnë mundësinë që vrasësi të ketë lidhje me këto incidente të mëparshme dhe se mund të jetë i njëjti autor.
Me hetimet që vazhdojnë, autoritetet janë të fokusuar në përcaktimin e motiveve të sakta, duke synuar të gjejnë një lidhje të mundshme midis autorit dhe viktimave, si dhe çdo person tjetër që mund të ketë përfituar nga vdekja e pronarit të kampingut.
