Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
AKTUALITET
Mbyllet projekti për rrugët rajonale me BB: Nevojat shtesë do përballohen nga FSHZH
n.fPërditësimi i fundit 4 Korrik 2024, 07:38
Foto ilustruese
TIRANË- Projekti për rrugët lokale dhe rajonale, i mbështetur prej disa vitesh nga Banka Botërore, me një kredi 50 milionë dollarë është mbyllur në fund të qershorit. Banka publikoi raportin e saj për lehtësimin e ecurisë duke nënvizuar se pavarësisht mbylljes, ende disa kontrata janë aktive, pasi ka punë në zhvillim e sipër.
Të tilla janë kontratat që lidhen me rrugën Tushemisht-Pogradec si dhe unaza Vath Korreshinn ë Lushnjë dhe seksioni rrugor në Spille. Në çdo rast, Banka ka nënvizuar se do të jetë Fondi Shqiptar i Zhvillimit që do të mbajë peshën për të plotësuar financiarisht nevojat nëse në kontratat aktive lindin të tilla.
“Kontratat e punimeve civile në tërësi, përveç dy, janë përfunduar me sukses. Dy të tjerat përfshijnë: (i) Seksioni i rrugës Pogradec-Tushemisht (Loti 2). Punimet kanë përfunduar rreth. 75%, për shkak të kompensimit në para dhe lehtësimit të zhvendosjes së tre familjeve të prekura nga projekti u finalizua vetëm në mes të majit 2024 – ekipi i Bankës ishte vendosur për të mos lejuar kontaktorin të aksesojë plotësisht vendin përpara zbatimit të plotë të Planit të Veprimit për Zhvendosjen.
Nëse do të ketë punime të mbetura që do të kryhen pas datës së mbylljes së projektit, FSHZH do të marrë përsipër financimin duke mbajtur të njëjtën kontraktor dhe konsulent mbikëqyrës (ii) Unaza Vath Korreshi (Bashkia Lushnje) dhe seksioni rrugor Spille (Bashkia Rrogozhine) punimet janë përfunduar me 70%, d.m.th.: Në pjesën e unazës, u desh pak kohë për të adresuar ankesën e drejtorisë së shkollës, dhe në seksionin Spille pati një vonesë të konsiderueshme për të marrë lejen e Ministrisë së Mbrojtjes për hyrje të plotë në terren.
Në të dyja rastet, FSHZH do të marrë përsipër financimin nëse do të ketë punë të papërfunduara deri në datën e mbylljes së projektit. FSHZH pritet gjithashtu të ndajë raportet përfundimtare të RAMS dhe Konsulentëve të Vlerësimit të Përftimit.
Të dyja duhet të sigurojnë informacione të dobishme për Raportin e Përfundimit të Zbatimit dhe Rezultateve” thuhet në dokumentin e BB.
Projekti për rrugët lokale dhe rajonale u miratua në prill 2018 dhe u nënshkrua në qershor të po atij viti. Data e parë e mbylljes së tij ishte 31 dhjetori 2022 por më pas u rishikua, duke vendosur që data e re e mbylljes të ishte 30 qershori 2024./ Monitor
