Gjesti
KOSOVË- Katër djem, shqiptarë të Shqipërisë, Kosovës, Maqedonisë së Veriut të cilët jetojn&eu...
AKTUALITET
Me doza lëndë narkotike për shitje dhe 14 mijë euro, arrestohen 2 shqiptarë në Itali
M.B.Përditësimi i fundit 4 Qershor 2024, 17:57
Para dhe drogë
ITALIA- Dy shqiptarë janë arrestuar në Itali, të dyshuar se kishin ngritur një biznes pakice për shitjen e kokainës në Varese dhe provincat e saj. Nga kontrolli fillestar i bërë njërit prej dy të rinjve, i ndaluar në makinë, u zbuluan dy doza kokainë, të paketuara dhe të gatshme për shitje me pakicë dhe pak minuta më vonë operatorët ndaluan të riun e dytë, që sapo do të dilte nga shtëpia.
Mediat italiane shkruajnë se kontrolli i shtëpisë dha një rezultat pozitiv, duke lejuar gjetjen dhe sekuestrimin e 155 dozave kokainë gati për t’u shitur, si dhe një shumë parash prej rreth 14 mijë eurosh, me sa duket të ardhura nga trafiku i drogës.
Për këtë arsye efektivët, përveç sekuestrimit të lëndës narkotike dhe parave si produkte të mundshme të veprimtarisë së paligjshme, kanë arrestuar të dy shqiptarët për veprën penale të posedimit me qëllim trafikimin e kokainës.
