Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
‘Çmendet’ shqiptari në Greqi, terrorizon ish-bashkëshorten dhe të bijën 10-vjeçare, dënohet me 18 muaj burg
E.DPërditësimi i fundit 4 Janar 2025, 09:21
GREQI- Një 45-vjeçar shqiptar ka terrorizuar ish-bashkëshorten e tij dhe vajzën 10-vjeçare në Greqi në ditën e Vitit të Ri. Mësohet se shqiptari është futur ilegalisht në Greqi dhe më pas më pas ka tentuar të hyjë në banesën e tyre duke thyer xhamat. Në momentin që nuk ka arritur të hyjë nga dritarja, ai ka dëmtuar makinat e parkuara.
Sipas ish-bashkëshortes së tij, 45-vjeçari, në natën e ndërrimit të viteve, ka shkuar në shtëpinë e saj pasi kishte konsumuar një sasi të madhe alkooli dhe ka thyer xhamat, duke tmerruar vajzën e tyre 10-vjeçare. Kur ajo i ka kërkuar të largohet, i pandehuri ka hyrë në makinën e tij dhe ka përplasur dy makina të parkuara, duke i shkaktuar dëme. Kur u gjet nga autoritetet policore, 45-vjeçari i bëri rezistencë arrestimit dhe nuk pranoi t’i nënshtrohej testit të alkolit.
Dërsa doli dje para gjykatës, 45-vjeçari shqiptar ka kërkuar falje dhe ka pranuar se kishte konsumuar alkool para se të shkonte në shtëpinë e ish-bashkëshortes. Ai ka pranuar gjithashtu se kishte hyrë ilegalisht në Greqi në këmbë, rreth 20 ditë më parë. Arsyeja që i ka shkaktuar dëm shtëpisë së nënës së fëmijës së tij, sipas tij, ka qenë se ka dashur të festojë ditëlindjen e vajzës së tyre me ta, por ajo nuk e ka lënë.
Gjykata e shpalli fajtor 45-vjeçarin për hyrje të paligjshme në vend, dhunë në familje, dhunë ndaj punonjësve të policisë dhe refuzim për t’iu nënshtruar testit të alkolit, duke e dënuar me 18 muaj burg, 3700 euro gjobë dhe heqjen e lejes së drejtimit për dy muaj.
