Minatorët e Bulqizës të vendosur për t'ju plotësuar kushtet, akuzojnë sindikatat për heshtjen

TIRANË- Minatorët që punojnë në galeritë e kromit të Albchrome në Bulqizë vijojnë të protestojnë duke kërkuar plotësimin e kërkesave të tyre. Prej të paktën tre javësh dhjetra minator kanë refuzuar të shkojnë në punë pa ju plotësuar 3 kërkesat që kanë ndaj kompanisë turke Yildirim Holding siç është rritja e pagës së premtuar që në fillim të muajit Janar, heqjen e të shtunave si ditë pune dhe 4% e inflacionit i dhënë nga shteti.

Ndërkohë, protesta e minatorëve është fokusuar në bojkotim të punës ndërsa deri tani nuk kanë pranuar asnjë propozim të bërë nga ana e kompanisë. Nga ana tjetër, minatorët e minierës më të madhe në vendin tonë që është ajo e Bulqizës akuzojnë sindikatat e minatorëve në vendin tonë se nuk poi mbështesin, pasi asnjë përfaqësues i tyre nuk është para të shkojë në Bulqizë në mbështetje të minatorëve.

Gjithashtu, minatorët deklarojnë se janë të vendosur për të mos bërë kthim pas në kërkesat e tyre dhe se nuk do të presin edhe shumë kohë, pasi kanë marrë oferta pune nga kompani të tjera private me pagë më të mirë se ajo pranë kompanisë turke, Yildirim Holding.

enver doçi yildirim holding minatoret ne bulqize