Kongresmeni amerikan, Ritchie Torres ka reaguar lidhur me revoltat studentore dhe dhunën që policia ka ushtruar ndaj të rinjve, duke k&eu...
AKTUALITET
Moti i keq izolon vendin, ja si paraqitet situata në disa zona
PiranjatPërditësimi i fundit 3 Tetor 2025, 15:44
Moti i keq ka përfshirë zona të ndryshme të vendit, duke sjellë reshje dëbore dhe temperatura nën zero. Në Steblevë të Librazhdit, të premten (3 tetor), trashësia e borës ka arritur deri në 10 centimetra, ndërsa temperaturat kanë rënë deri në -2°C.
Sipas Emergjencave Civile të Bashkisë Librazhdit, aksesi në rrugën kombëtare Librazh–Peshkopi është i kalueshëm vetëm me zinxhirë ose goma dimërore, për shkak të ngricave që kanë mbuluar rrugën. Po ashtu, disa fshatra të Njësisë Administrative Steblevë janë pa energji elektrike, për shkak të dëmtimeve të linjave të transmetimit nga moti i keq.
Në Qarkun e Kukësit, moti ka qenë i vrenjtur, me reshje shiu dhe erëra të forta, duke shkaktuar rënie inertesh dhe gurësh në disa segmente rrugore. Megjithatë, të gjitha akset rrugore nacionale janë të kalueshme pa pengesa dhe nuk ka pasur raporte për emergjenca. Ndërkohë, disa fshatra të Kukësit si Kollovoz, Novosej dhe Topojan, si dhe fshatrat Kishaj dhe Pogaj në Has, janë pa energji elektrike për shkak të dëmtimeve në rrjetin elektrik.
Në Shkodër, reshjet e borës kanë filluar në Qafë-Thore dhe Qafë Mali (Fushë Arrëz), me trashësi të dëborës deri në 2 cm. Subjektet përgjegjëse për mirëmbajtjen e rrugëve kanë nisur kriposjen e tyre, ndërkohë që kalueshmëria e rrugëve në këtë qark është e plotë dhe pa pengesa
