Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
AKTUALITET
Moti i keq/ Rrugorja apel shoferëve: Udhëtoni me kujdes! Mos kryeni parakalime të gabuara dhe ulni shpejtësinë...
b.zPërditësimi i fundit 28 Mars 2025, 17:44
Foto ilustruese
TIRANË - Policia rrugore u ka bërë apel shoferëve të udhëtojnë me kujdes për shkak të motit të keq që ka pushtuar vendin. Në një reagim zyrtar Policia bën apel që shoferët e mjeteve të ulin shpejtësinë dhe të mos kryejnë parakalime të gabuara.
Policia thotë se për shkak edhe të lagështirës në rrugë si pasojë e reshjeve, rreziku është më i lartë për përfshirje në aksidente rrugore, prandaj shoferët duhet të tregojnë kujdes.
Njoftimi i Policisë
APEL PËR MË SHUMË KUJDES!
Udhëtoni me jetën në mendje, që mbërritja në destinacion të jetë e sigurt! Familja ka nevojë për ty! Policia Rrugore rrit masat parandaluese duke intensifikuar kontrollet me makina inteligjente , radarë , dronë dhe alkool-testues, në të gjitha akset rrugore dhe qendrat e banuara.
Mos drejtoni automjetin me shpejtësi që varion 3 deri në 3.5 herë më shumë se limiti i lejuar, në tunele apo akse rrugore kombëtare duke u kthyer në rrezik të madh për jetën tuaj dhe të përdoruesve të tjerë të rrugës! Mos drejtoni mjetin nën efektin e alkoolit apo në gjendje të dehur! Alkooli mpin trurin dhe vret jetën.
Vendosni rripin e sigurimit dhe mos përdorni celularin gjatë drejtimit të mjetit! Mos kryeni parakalime të gabuara dhe qëndroni në radhë kur ka ngadalësim të lëvizjes, për shkak të fluksit të madh përgjatë fundjavës, kryesisht në zonat bregdetare dhe ato turistike.
Përqëndrohuni në timon! Për shkak edhe të lagështirës si pasojë e motit me reshje shiu, rreziku është më i lartë për përfshirje në ngjarje rrugore. Në të gjitha rrugët e vendit, 24/7, është prezente Policia Rrugore me makinat inteligjente, radarët automatikë, dronët, kamerat dhe alkool-testuesit, me qëllim parandalimin e aksidenteve rrugore. Kontribuoni të gjithë për sigurinë rrugore!
