Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Ndeshja Shqipëri-Jordani/ Policia zbulon rrugët që do bllokohen në Tiranë dhe planin e masave
PiranjatPërditësimi i fundit 14 Tetor 2025, 12:13
Policia e Shtetit ka bërë me dije rrugët që do të bllokohen dhe planin e masave të marra për mbarëvajtjen e ndeshjes miqësore, Shqipëri-Jordani, që luhet sot në stadiumin “Air Albania”, duke nisur nga ora 19:00.
Më tej, policia apelon për tifozët dhe sportdashësit që do të ndjekin ndeshjen, t’iu binden udhëzimeve të efektivëve, me qëllim mbarëvajtjen e aktivitetit dhe garantimin e sigurisë.
Njofimi i policisë:
Drejtoria Vendore e Policisë Tiranë/Njoftim
Me qëllim ruajtjen e rendit dhe qetësisë publike, si dhe garantimin e mbarëvajtjes së ndeshjes miqësore së futbollit “Shqipëri–Jordani”, e cila do të luhet sot, në orën 19:00, në stadiumin “Arena Kombëtare”, do të ketë kufizime të përkohshme të qarkullimit, në disa akse rrugore përreth stadiumit.
Konkretisht, nga ora 17:00 deri në përfundim të ndeshjes, do të kufizohet qarkullimi në: • Rrugën “Dervish Hima”; • Rrugën “Gjergj Filipi”; • Segmentin pranë Hotel “Marriott”, që lidhet me bulevardin “Dëshmorët e Kombit”, •rrugët anësore përreth stadiumit, përfshirë kahun nga Hotel “Sheraton”.
Policia e Tiranës kërkon mirëkuptimin e qytetarëve për të respektuar kufizimet, si dhe iu bën thirrje të shmangin lëvizjen me automjete, në këto akse.
Gjithashtu, apelon për tifozët dhe sportdashësit që do të ndjekin ndeshjen, t’iu binden udhëzimeve të punonjësve të Policisë, me qëllim mbarëvajtjen e aktivitetit dhe garantimin e sigurisë.
