Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Në arrest shtëpie, por tregtonte kokainë, në pranga 41-vjeçari, sekuestrohet municion luftarak dhe para
E.DPërditësimi i fundit 28 Mars 2025, 14:01
TIRANË- Një 41-vjeçar është arrestuar në Tiranë, pasi shiste kokainë dhe mbante sende të paligjshme në banesë. Policia ka arrestuar autorin dhe ka sekuestruar 103 gramë kokainë, 1 armë e ftohtë, 1 bllokues valësh, 1 radio policie, municion luftarak, shuma parash (lekë dhe euro) dhe sende të tjera të kundërligjshme. Gjithashtu 41-vjeçarit gjykata i kishte caktuar atij masën e sigurisë “Arrest në shtëpi”, për veprën penale “Prodhimi dhe shitja e narkotikëve”.
Njoftimi i Policisë:
Shiste doza kokaine dhe posedonte sende të kundërligjshme në banesë, ndërkohë që ishte me masë sigurie “Arrest në shtëpi”, kapet në flagrancë jashtë banesës dhe vihet në pranga 41-vjeçari.
Sekuestrohen 103 gramë lëndë e dyshuar narkotike kokainë, 1 armë e ftohtë, 1 bllokues valësh, 1 radio policie, municion luftarak, shuma parash (lekë dhe euro) dhe sende të tjera të kundërligjshme.
Në vijim të punës për goditjen e veprimtarisë kriminale në fushën e prodhimit dhe shitjes së lëndëve narkotike, bazuar dhe në informacionet e siguruara nga inteligjenca informative, për një shtetas që shiste lëndë narkotike, në doza, Komisariati i Policisë Nr. 2, në bashkëpunim me Seksionin për Hetimin e Narkotikëve, organizoi dhe finalizoi operacionin policor të koduar “All included”, si rezultat i të cilit u arrestua shtetasi E. S., 41 vjeç, banues në Tiranë.
Shërbimet e Policisë kanë kapur në flagrancë në rrugë, shtetasin E. S., i cili kishte dalë nga banesa në kundërshtim me vendimin e Gjykatës, që i kishte caktuar atij, masën e sigurisë “Arrest në shtëpi”, për veprën penale “Prodhimi dhe shitja e narkotikëve”.
Gjatë kontrollit fizik ndaj 41-vjeçarit dhe kontrollit në banesën e tij, shërbimet e Policisë gjetën dhe sekuestruan në cilësinë e provës materiale:
103 gramë lëndë të dyshuar narkotike kokainë, që e posedonte me qëllim shitjen në doza;
23 000 lekë dhe 940 euro, që dyshohet se janë përfituar nga shitja e lëndëve narkotike;
1 armë të ftohtë, 1 bllokues valësh, 1 radio policie, municion luftarak dhe sende të tjera të kundërligjshme.
Materialet procedurale iu referuan Prokurorisë së Tiranës, për veprime të mëtejshme.
