Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
AKTUALITET
"Ne e prisnim për Bajram, kishim dalë tek treni!" Gjyshi i 22-vjeçares së vrarë në Itali: Isha në kafe, më mori një mik, më tha Ilaria ka vdekur
M.B.Përditësimi i fundit 3 Prill 2025, 12:53
ITALIA- Gjyshi i Ilaria Sulës, e cila u vra me thikë nga ish-i dashur filipinas dhe më pas trupi i pajetë i saj i vendosur brenda një valixheje u hodh nga një shkëmb, ka treguar si e mori vesh lajmin. Në emisionin “Me zemër të hapur”gjyshi i 22-vjeçares u shpreh se Ilaria, e cila jetonte në një apartament me qira në Romë me disa shoqë të saj, ishte zhdukur prej datës 25 mars ndërsa familja ngriti alarmin kur Ilaria nuk shkoi në shtëpi për Bajram. Bashkim Sula rrëfeu se ishte në kafe kur një mik i tij e mori në telefon dhe i tregoi për ngjarjen tragjike.
“Kam një javë që skam folur me djalin, nusen e tij dhe nipin. Isha në kafe, më mori një mik, më tha “ku je Bashkim” i thashë jam në kafe. Më tha “Ilaria ka vdekur, është gjetur e vdekur” I thashë nuk di gjë, djali s’është këtu por në Romë. Djemtë me nuset janë në Romë, ndërsa vetëm ne dy pleqtë jemi këtu.
Ajo u zhduk me datën 15. Ne e prisnim për Bajram, kishim dalë tek treni. Nusja e djalit tha “s’po vjen goca, nuk më përgjigjet në telefon”. Djali la punën dhe ikën në Romë, që atë ditë nuk kanë ardhur në shtëpi më, banesa është mbyllur. Për Vit të ri kam folur për herë të fundit më Ilarian. Neve nuk na ka thënë gjë për djalin, për prindërit nuk dimë gjë. S’dimë që ishte e lidhur, por edhe nëse do ishte nuk është problem”, tha gjyshi i Ilarias.
