Pedagogu Aleksandër Kovaçi tha para derës së kryeminsitrisë se nuk do të ketë dilaog me Ramë...
AKTUALITET
Nëna tentoi të mbytej bashkë me 4 fëmijët në lumin Buna, bashkëshorti: Të dy si çift kemi bërë gabime! E kam akuzuar për tradhti por nuk e kam rrahur kurrë
n.fPërditësimi i fundit 23 Korrik 2024, 13:16
Foto ilustruese
SHKODËR- Ditën e sotme ka dhënë dëshminë e tij bashkëshorti i 27-vjeçares që tentoi të vetëmbytej në lumin e Bunës së bashku me 4 fëmijët e mitur. Në një intrervistë në emisionin “Me zemër të hapur”, në News24, Ajet Isufi tha se shpesh edhe ka gabuar duke e akuzuar të shoqen për tradhti bashkëshortore duke shtuar se ka qenë xheloz. Megjithatë ai mohoi të ketë pasur dhunë psikologjike apo fizike nga ana e tij kundrejt 27-vjeçares.
“Kam menduar se ka bërë tradhti, kam qenë xheloz. Nuk e kam rrahur kurrë. Shpresoj që gjithçka të bëhet mirë sepse nëse merr fund familja, jeta ime është drejt vdekjes. Kemi pasur debate, por nuk i kemi çuar deri në ekstrem”, u shpreh ai.
Isufi më tej shtoi se të dy si çift kanë bërë gabime por sapo 27-vjeçarja të dalë nga rehabilitimi së bashku me fëmijët do ti marr në shtëpi. Ai u shpreh se nuk ka pasur kontak me fëmijët por i kanë thënë se janë mirë ndërsa shtoi se dyshimet ndaj gruas së tij nuk do të ndodhin më.
"Kam shkuar në Policinë e Shkodrës të marr pamjet e sigurisë së banesës së vjehërrit e vjerrës, unë skam pasur kontakt as me fëmijët vetëm më kanë thënë që janë mirë. Shpresoj që të bëhen mirë, doktorët më kanë thënë që do bëhen mirë.
Ne do vazhdojmë të jemi bashkë sapo ajo të dalë bashkë me fëmijët, unë kam gabuar dhe kam dyshuar edhe tek gruaja ime, por nuk do ndodhi më. Të dy kemi bërë gabime që nuk do ti përsërisim më, sapo të dalin nga rehabilitimi unë do ti marr e kësmet zotit do jemi bashkë,’’ u shpreh ai.
