Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
AKTUALITET
Nga banda e "Diabolikut" në pranga në Dubai/ Merr fund arratia për "mbretin e narkotikëve", Dorian Petokun, ishte në kërkim nga Italia
r.llPërditësimi i fundit 2 Gusht 2024, 09:04
dorian petoku
DUBAI- Ka marrë fund arratia për "mbretin e narkotikëve", shqiptarin Dorian Petoku. 35-vjeçari është vënë në pranga në Dubai, pas një bashkëpunimi të Guardia di Finanza dhe policisë së Emirateve. Petoku është një nga emrat e famshëm të kleneve mafioze shqiptare. Ai u bë edhe më i famshëm kur në dhjetor të 2024 arrit të arratisej nga komuniteti i rikuperimit në Nola (Napoli) ku kishte arritur të transferohej me një certifikatë mjekësore. Petoku ka thyer byzylykun elektronik duke shkaktuar alarmin e lidhur me policinë. Pavarësisht mbërritjes thuajse të menjëhershme të policëve, shqiptari asokohe kishte humbur çdo gjurmë. Pas arratisjes ai e gjeti strehimin në Dubai.
I rritur në Lezhë të Shqipërisë, Petoku filloi të fitonte përvojë në botën e trafikut të armëve, drogës dhe qenieve njerëzore përpara se të zbarkonte në Romë, në Ponte Milvio. Aty ai ju bashkua radhëve të bandës së famshme kriminale shqiptare, drejtuesi i së cilës ishte "Diaboliku", Fabrizio Piscitelli. Petoku, me Diabolikun në krye, qëndronte përkrah bashkatdhetarëve të tij Elvis Demçe, Kolaj Orial, Bardhi Petrit, Yuri Shelever dhe kushëriri i parë, Arben Zogu. Kushëriri i të parit të bosëve shqiptarë në kryeqytet, Arben Zogut, me kalimin e viteve fitoi gjithnjë e më shumë rëndësi në botën e krimit të kryeqytetit italian.
Por e gjithë kjo nuk mjafton për të kuptuar kalibrin kriminal që ka arritur shqiptari tridhjetë e pesë vjeçar. Për të kuptuar lartësitë që ai arriti, duhet treguar se ai ishte i përfshirë në projektin për importimin e sasisë më të madhe të kokainës të organizuar ndonjëherë në Romë në bashkëpunim me Casamonicas. Shtatë tonë në një avion që duhej të ulej në Ciampino vinte nga Amerika e Jugut dhe duhej të fshihej një pjesë e drogës në çantat e një ekipi futbolli të të rinjve larg në Itali.
Përveçse dinte të sillej me kartelet më të fuqishme kolumbiane, Petoku, ashtu si bashkatdhetari dhe miku i tij Elvis Demce, kishte studiuar metoda për të mos përfunduar pas hekurave. Të dy kishin ndjekur shembullin e shefit të Kamorrës romake, Michele Senese: duke prodhuar të gjitha llojet e certifikatave, si ato për varësinë nga droga, në mënyrë të tillë që ato të shmangnin edhe paraburgimin, shkruan La Repubblica.
Arratisja e Petokut në vitin 2023 ishte e lidhur me zbulimet e të penduarit Fabrizio Capogna, i cili filloi të bashkëpunonte me prokurorët romakë duke zbuluar detaje vendimtare mbi strukturën kriminale. Ajo strukturë kriminale romake, shtyllë e së cilës ishte Petoku dhe që tani po shembet. Kapja e tij shënon një goditje të re të fuqishme kundër krimit të organizuar në qytet. Autoritetet italiane nuk e kishin pushuar asnjëherë kërkimin e tij. Përpjekjet e përbashkëta të Gico-s të njësisë së policisë financiare të Policisë Ekonomike dhe Financiare të Romës dhe të prokurorëve të DDA Edoardo De Santis, Giovanni Musarò, Mario Palazzi dhe Francesco Cascini çuan në arrestimin e tij.
