Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
AKTUALITET
Nga dhuna në familje te vjedhja e drejtimi i automjetit në gjendje të dehur, arrestohen 8 persona në Tiranë
S.BPërditësimi i fundit 9 Shtator 2024, 13:28
TIRANË- Tetë persona janë arrestuar ditën e sotme në kryeqytet. Mësohet se dy prej tyre R. Y 30 vjeç dhe B. K 38 vjeç, janë arrestuar për dhunë në familje, ndërsa Xh. P 31 vjeç tentoi të vjedhë në një shtëpi.
Pesë persona të tjerë janë arrestuar për drejtim automjeti/motomjeti pa patentë dhe drejtim automjeti në gjendje të dehur. Materialet i kaluan Prokurorisë.
Njoftimi i policisë:
Tiranë/Arrestohen 8 shtetas, për vepra të ndryshme penale.
Specialistët për Hetimin e Krimeve në Komisariatin e Policisë Nr. 2 arrestuan shtetasin R. M., 35 vjeç, banues në Tiranë, pasi në bulevardin "Bajram Curri", duke qarkulluar në sens të kundërt, me biçikletën e tij elektrike, ka goditur shtetasin I. U., 57 vjeç, i cili si pasojë është dëmtuar dhe ndodhet në spital, në kujdesin e mjekëve.
Specialistët për Hetimin e Krimeve në Komisariatin e Policisë Nr. 4 arrestuan shtetasin Xh. P., 31 vjeç, banues në Tiranë, pasi dyshohet se ka tentuar të vjedhë në një banesë në rrugën "Sotir Caci".
Specialistët për Hetimin e Krimeve në Komisariatin e Policisë Nr. 6 ndaluan shtetasin R. Y., 30 vjeç, për veprën penale "Dhuna në familje".
Specialistët për Hetimin e Krimeve në Komisariatin e Policisë Krujë arrestuan shtetasin B. K., 38 vjeç, banues në Krujë pasi dyshohet se ka ushtruar dhunë ndaj bashkëshortes së tij.
Specialistët e Komisariatit të Policisë Rrugore Tiranë arrestuan shtetasit:
- V. M., 32 vjeçe, banuese në Tiranë, pasi u kap duke drejtuar automjetin pa leje drejtimi;
- G. K., 42 vjeç, banues në Tiranë, pasi u kap duke drejtuar automjetin në gjendje të dehur;
- A. B., 54 vjeç, banues në Tiranë, pasi u kap duke drejtuar motomjetin pa leje drejtimi;
- F. M., 46 vjeç, banues në Tiranë, pasi duke drejtuar automjetin në gjendje të dehur është përplasur me biçikletën me drejtues shtetasin A. Gj., dhe më pas është larguar nga vendi i ngjarjes. Shtetasi A. Gj., ndodhet në spital, në kujdesin e mjekëve.
