Kristjan Asllani është rikthyer me Interin për fazën përgatitore në Gjermani, por e ardhmja e mesfushorit shqiptar te klubi zika...
AKTUALITET
Nga hakerimi i faqes së Parlamentit e deri te SHISH, kush është 15-vjeçari nga Vlora që theu dhe bllokoi sigurinë e faqeve shtetërore
M.B.Përditësimi i fundit 4 Prill 2025, 13:45
VLORA- Një 15-vjeçar në Vlorë është vënë nën hetim pasi dyshohet se gjatë muajit mars 2025 ka ndërhyrë në të dhënat kompjuterike të disa institucioneve shtetërore duke shkaktuar ndërprerjen e funksionimit të tyre për periudha të caktuara. Bëhet me dije se 15-vjeçari është me aftësi të veçanta dhe i apasionuar pas teknologjisë dhe nuk ka lidhje me veprimtari kriminale.
Gjithashtu mësohet se në “shënjestrën” e tij ishin faqja e Parlamentit, e Shërbimit Informativ Shtetëror, por edhe faqet e institucioneve të tjera. I mituri tentonte të merrte aksesin në e-mailet e këtyre faqeve dhe më pas t’i bllokonte. Falë manovrave të tij, 15-vjeçari mësohet se arriti të merrte aksesin e dy faqeve, por duke mundur që vetëm t’i bllokonte.
Policia bëri me dije se nga hetimet e deritanishme nuk ka rezultuar vjedhje të të dhënave apo dokumenteve konfidenciale nga këto sisteme. Ndërkohë, gjatë operacionit u sekuestruan disa pajisje, të cilat do t’i nënshtrohen ekzaminimeve të thelluara teknike, konkretisht: 5 kompjuterë laptop, 6 aparate celularë dhe 1 dron.
