50-vjeçari Thimjo Rubati, i plagosur pas një atentati mbrëmjen e së premtes në Sarandë, i transportuar mandej në spitalin...
AKTUALITET
Nga përndjekja e të dashurës, grabitja e taksistit e deri te tentativa e vjedhjes së portofolit në stacionin e autobusit, 7 persona të arrestuar në Tiranë
M.B.Përditësimi i fundit 23 Gusht 2024, 10:49
TIRANA- 7 persona janë arrestuar në Tiranë për vepra të ndryshme penale. Policia ka njoftuar se një 30-vjeçar me inicialet M. P., është vënë në pranga pasi dyshohet se ka përndjekur të dashurën e tij. Ndërsa një 28-vjeçar është arrestuar pasi dyshohet se duke qenë pasagjer në një taksi, nën kërcënimin e një mjeti prerës, i ka vjedhur një shumë parash drejtuesit të taksisë.
Nga ana tjetër, një 51-vjeçar ra në pranga pasi ditën e djeshme, në një stacion autobusi, ka tentuar t'i vjedhë portofolin një personi. Gjithashtu u arrestua dhe një 27-vjeçar pasi dyshohet se ka ushtruar dhunë ndaj kunatit të tij.
Po ashtu njoftohet se në pranga ka rënë dhe një 58-vjeçar me inicialet S. D., me detyrë drejtues teknik në një firmë për prodhimin e lëndëve piroteknike. Bëhet me dije se ditën e djeshme, në ambientet e punës, i ka plasur një kapsollë në dorë një 46-vjeçeje, punonjëse pranë kësaj firme. 46-vjeçarja si pasojë është dëmtuar dhe ndodhet në kujdesin e mjekëve.
Njoftimi:
Tiranë/Arrestohen 7 shtetas, për vepra të ndryshme penale.
Specalistët për Hetimin e Krimeve të Komisariatit të Policisë Nr. 2 arrestuan shtetasin M. P., 30 vjeç, banues në Durrës, pasi dyshohet se ka përndjekur të dashurën e tij.
Specalistët për Hetimin e Krimeve të Komisariatit të Policisë Nr. 4 arrestuan shtetasit:
- M. S., 28 vjeç, banues në Tiranë, pasi dyshohet se duke qenë pasagjer në një taksi, nën kërcënimin e një mjeti prerës, i ka vjedhur një shumë parash drejtuesit të taksisë;
- P. Zh., 51 vjeç, banues në Tiranë, pasi ditën e djeshme, në një stacion autobusi, ka tentuar ti vjedhë portofolin një shtetasi.
Specalistët për Hetimin e Krimeve të Komisariatit të Policisë Nr. 5 arrestuan shtetasin Sh. P., 27 vjeç, banues në Tiranë, pasi dyshohet se ka ushtruar dhunë ndaj kunatit të tij.
Specalistët për Hetimin e Krimeve të Komisariatit të Policisë Nr. 7 arrestuan shtetasin S. D., 58 vjeç, banues në Tiranë, për veprën penale "Shkelja e rregullave të mbrojtjes në punë", parashikuar nga neni 289 i Kodit Penal, me detyrë drejtues teknik në një firmë për prodhimin e lëndëve piroteknike. Ditën e djeshme, në ambientet e punës, i ka plasur një kapsollë në dorë, shtetases V. K., 46 vjeçe, punonjëse pranë kësaj firme. 46-vjeçarja si pasojë është dëmtuar dhe ndodhet në kujdesin e mjekëve.
Specialistët e Komisariatit të Policisë Rrugore Tiranë arrestuan shtetasit:
- A. K., 18 vjeç, banues në Tiranë, si dhe proceduan penalisht shtetasit K. K., 50 vjeç, dhe Sh. V., 22 vjeç, banues në Kamëz. Ditën e djeshme, rreth orës 11:10, në rrugën "Linxheria", shtetasi A. K., duke drejtuar mjetin është përplasur me mjetin me drejtues shtetasin Sh. V., dhe më pas është larguar nga vendi i ngjarjes. Pas largimit të tij është paraqitur në vendngjarje, shtetasi K. K., (babai i shtetasit A. K.), i cili ka deklaruar se ka qenë ai duke drejtuar automjetin. Si pasojë e aksidentit mes dy mjeteve, është dëmtuar shtetasi F. P., 30 vjeç, i cili ndodhet në kujdesin e mjekëve;
- Zh. D., 50 vjeç, banues në Tiranë, pasi duke drejtuar në gjendje të dehur mjetin tip “Hyundai”, është përplasur me mjetin me drejtuese shtetasen R. A., dhe më pas me mjetin me drejtues shtetasin B. F., dhe mjetin me drejtues shtetasin K. R. Si pasojë ka vetëm dëme materiale.
