Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
AKTUALITET
Nga përndjekja te dhuna në familje, arrestohen katër persona në Korçë
S.BPërditësimi i fundit 15 Shtator 2024, 16:04
KORÇË- Katër persona janë arrestuar ditën e sotme në Korçë. Mësohet se 29-vjeçarii J.L është arrestuar pasi përndiqte të dashurën prej disa ditësh.
Ndërkohë 29-vjeçari E.E ka ushtruar dhunë ndaj nënës e cila u pajis me urdhër mbrojtjeje. 42-vjeçari K.M është arrestuar pasi ka ushtruar dhunë ndaj vjehrrit, ndërsa 40-vjeçari E.M ka dhunuar bashkëjetuesen. Materialet procedurale i kaluan Prokurorisë Korçë, për veprime të mëtejshme.
Njoftimi i policisë:
Drejtoria Vendore e Policisë Korçë.
Komisariati i Policisë Korçë arrestoi në flagrancë shetasin J. L., 29 vjeç, banues në Korçë, pasi prej disa ditësh përndiqte të dashurën e tij.
Komisariati i Policisë Maliq arrestoi në flagrancë shtetasin L. Dh., 31 vjeç, banues në Korçë, dhe referoi materialet në Prokurori, ku filloi procedimi penal për një 17-vjeçar, pasi: Gjatë kontrollit të ushtruar në lokalin që kishte në përdorim 31-vjeçari, në fshatin Pirg, Maliq, në telefonat e këtyre shtetasve u gjetën faqe që shërbenin për vendosje të basteve sportive.
Telefonat u sekuestruan në cilësinë e provës materiale.
Po nga ky Komisariat u arrestua në flagrancë shtetasi E. E., 29 vjeç, banues në fshatin Vashtmi, Maliq, pasi dyshohet se ka ushtruar dhunë ndaj nënës së tij e cila u pajis me urdhër mbrojtjeje.
Komisariati i Policisë Devoll arrestoi në flagrancë shtetasin K. M., 42 vjeç, banues në fshatin Sinicë, Devoll, pasi dyshohet se ka ushtruar dhunë ndaj vjehrrit të tij i cili u pajis me urdhër mbrojtjeje.
Po nga këto struktura u referuan materialet në Prokurori, ku filloi procedimi penal për shtetasin E. M., 40 vjeç, banues në Këlcyrë, Përmet, pasi dyshohet se ka ushtruar dhunë ndaj bashkëjetueses së tij e cila u pajis me urdhër mbrojtjeje.
Komisariati i Policisë Pogradec referoi materialet në Prokurori, ku filloi procedimi penal për shtetasin E. A., 20 vjeç, banues në fshatin Buçimas, Pogradec, pasi dyshohet se për motive të dobëta ka goditur me send të fortë një 29-vjeçar.
Sektori i Policisë Rrugore referoi materialet në Prokurori, ku filloi procedimi penal për shtetasin N. S., 76 vjeç, banues në Korçë, pasi në aksin “Korçë-Devoll”, në fshatin Neviçisht, ka përplasur me automjet një 59-vjeçar, i cili po lëvizte me biçiklete, duke e dëmtuar lehtë.
Materialet procedurale i kaluan Prokurorisë pranë Gjykatës së Parë të Jutidiksionit të Përgjithshëm Korçë, për veprime të mëtejshme.
