Nga prodhimi e shitja e narkotikëve tek vënia e basteve sportive me telefon, arrestohet një person dhe procedohen tre të tjerë në Korçë

foto ilustruese

KORÇË- Arrestohet një person dhe procedohen tre të tjerë në Korçë për vepra të ndryshme penale. Mësohet se është arrestuar një 23-vjeçar i shpallur në kërkim pasi Gjykata e Korçës e ka dënuar me burg për veprën penale prodhimi dhe shitja e narkotikëve.

Tre persona janë proceduar në gjendje të lirë për veprat penale vënia e basteve sportive me telefon, ushtrimi aktivitetit pa dokumenta si dhe kontrabandimi i duhanit me furgon. Me rastet do të merret Prokuroria Korçë.

Njoftimi i Policisë:

Seksioni për Hetimin e Narkotikëve ekzekutoi urdhrin e Prokurorisë, për ndalimin e shtetasit në kërkim E. N., 23 vjeç, banues në Korçë, pasi Gjykata e Shkallës së Parë e Juridiksionit të Përgjithshëm Korçë ka caktuar për këtë shtetas, masën e sigurisë “Arrest në burg”, për veprën penale ”Prodhimi dhe shitja e narkotikëve”.  

Komisariati i Policisë Korçë referoi materialet në Prokurori ku filloi procedimi në gjendje të lirë për shtetasin B. B., 23 vjeç, banues në Korçë, pasi në lagjen nr. 9, gjatë këqyrjes së celularit të tij, u gjetën faqe të cilat dyshohet se përdoreshin për vënien e basteve sportive. Në cilësinë e provës materiale u sekuestrua aparati celular. 

Seksioni për Hetimin e Krimeve Ekonomiko-Financiare referoi materialet në Prokurori, ku filloi procedimi në gjendje të lirë për shtetasin E. P., 62 vjeç, banues në Korçë, pasi në lagjen nr. 4, Korçë, u konstatua duke ushtruar aktivitetin në një lokal, pa dokumetacionin përkatës.  

Sektori për Hetimin e Krimeve i DVKM Korçë referoi materialet në Prokurori, ku filloi procedimi në gjendje të lirë për shtetasin Sh. D., 48 vjeç, banues në Bathore, Tiranë, pasi në dalje të Pikës së Kalimit Kufitar Kapshticë, gjatë kontrollit të ushtruar në automjetin furgon që drejtonte, u gjet dhe u sekuestrua një sasi duhani, e dyshuar e kontrabanduar.    

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.  

korce