Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
AKTUALITET
Nga takimet me bosët e mafias te lidhja me Ergys Agasin, Gazetarja komenton akuzat e Ahmetajt për Ramën: SPAK të nisë hetimet!
b.zPërditësimi i fundit 3 Qershor 2024, 21:55
Klodiana Lala, Arben Ahmetaj
TIRANË - Gazetarja Klodiana Lala ka komentuar mbrëmjen e sotme në emisionin "Të Paekspozuarit" në MCN TV, pjesën e dytë të dokumentarit të Rai 3, për marrëveshjen mes Shqipërisë dhe Italisë për refugjatët, ku Shqipëria u cilësua si një narko-shtet.
Arben Ahmetaj hodhi akuza të rënda, duke deklaruar se Edi Rama ka takuar në zyrë bosë të mafias. Sipas gazetares Lala, Ahmetaj mund t'i bëjë këto akuza edhe për interesat e veta, duke qenë se është në arrati, por prokuroria duhet të hetojë, madje të marrin dëshminë e ish zv.kryeministrit në Zvicër.
"E di si është puna, zoti Ahmetaj është në kërkim ndërkombëtarë, i rëndojnë akuzat për korrupsion, pastrim parash, mund të ketë shumë arsye të hedhë akuza, se mbase do të shpëtojë veten. Dua të diskutoj akuzat e zotit Ahmetaj. Janë akuza të rënda. A mundet sot një prokurori ti hetojë pretendimet e zotit Ahmetaj? Nëse krahu i djathtë i Edi Ramës deri dje, automatikisht kam të drëjtën të dyshoj që Arben Ahmetaj ka informacion, që krerë të grupeve kriminale mund të kenë shkuar në zyrën e Ramës", tha Lala.
Lidhur me pretendimin se Ergys Agasi është koordinator mes Ramës dhe drejtuesve të krimit, Lala tha se edhe kjo duhet hetuar.
"Ergys Agasin, Ahmetaj e akuzon si ndërmjetës në takimet e kryeministrit me njerëz problematikë, me bosë të mafias. Ajo që duhet hetuar, ky njeri nga erdhi? Çfarë detyre ka patur? Pse u bë i rëndësishëm në qarkun e Durrësit? Nëse ka apo jo provë për implikimin e zotit Agasi në histori të krimit, duhet të japë shpejgim gazetari Italian dhe prokuroria të shkojë te Ahmetaj. Është një akuzë shumë e rëndë. Sipas akuzave të Ahmetajt, në zyrën e kryeministrit, në zyrën që paguhet nga taksat tona kanë hyrë njerëz me rekorde kriminale apo negociator të krimit", tha Lala.
