Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
Një i mitur, 15 vjeç, i arerstuar nga policia në protestë, ka rrëfyer dhunën e ushtruar në komisariat dhe mbajtjen pë...
“O milet, Rama ka siklet”, “Dorëheqje” dhe “Ju erdhi fundi!” janë disa nga thirrjet që dëgjohen në ...
Një qytetar i është bashkuar protestës së pedagogëve dhe studentëve para Kryeministrisë, duke thënë se ka da...
Policia e Vlorës ka zhvilluar një aksion në lidhje me ngjarjen e së hënës, kur automjetit të kryetarit të Njësis&eu...
Plaçkitjet dhe dhuna që tronditën Francën gjatë fundjavës kërcënojnë të riformësojnë ekuilibrin ...
Nga Adelheid Woelfl, DER STANDARD Sipas Ministrisë së Shëndetësisë, të dielën gjatë protestave në Tiranë u ...
Revolta studentore është rikthyer edhe në qytetin bregdetar, ku studentët e Universitetit të Durrësit kanë bojkotuar më...
Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
Dhjetë aktivistë të Shoqërsë Civile kanë depozituar këtë të martë një kallëzim penal në Proku...
Fatbardha Lleshi, nëna e 23-vjeçarit të vrarë Klevis Lleshi në një intervistë për emisionin “Në Shënjestër” dyshonte se vrasja e Klevis Lleshit, mund të ishte bërë për gjakmarrje.
Kjo pasi prej disa vitesh familja Lleshi ishte në një konflikt të hapur me familjen e Ali Hoxhës, nga fshati Shtjefën i Matit, që ishte me banim në Mamurras. Një hasmëri e gjatë, e cila kishte nisur fillimisht në Britaninë e Madhe dhe që më pas saga e vrasjeve kishte mbërritur deri në Burrel.
Në vitin 2012, Arben Lleshi, djali i xhaxhait të Klevis Lleshit ka vrarë në Angli shokun e tij Agim Ali Hoxha i cili është gjetur i shkrumbuar në makinë. Një vit më pas, në vitin 2013 ai që vritet është Xhavit Lleshi, babai i Klevis Lleshit. Dhe pas tij në vitin 2017 vëllai i tij dhe xhaxhai i Klevisit, Hajredin Lleshi.
Ndërkohë që po këtë vit rezulton i zhdukur në Kamëz, në rrethana ende të paditura, djali i Hajredinit, Artan Lleshi. Të gjitha këto ngjarje pa autor. Do të ishin pikërisht këto vrasje dhe hasmëria me familjen Hoxha, të cilat do të sillnin edhe reagimin e parë të nënës së Klevis Lleshit e cila menjëherë pas zhdukjes së të birit, ngriti gishtin e akuzës ndaj familjes Hoxha.
Fatbardha, nëna e Klevis Lleshit, dha dhe dëshminë e saj për zhdukjen e të birit, si dhe mbi personat e fundit me të cilët Klevisi ishte shoqëruar atë ditë, hetime të cilat në atë kohë u nisën nga Prokuroria e Kurbinit.
Lleshi tha se i biri ishte në kërkim pas një konflikti që kishte me shtetasin Maringlen Hoti. Dhe për këtë arsye ai këtë kohë qëndronte i fshehur. Por edhe pse qëndronte i fshehur, ai nuk i kishte shkëputur marrëdhëniet me nënën e tij.
Me të cilën komunikonte vazhdimisht nëpërmjet ëhats app. Ashtu sikurse kishte biseduar edhe atë ditë, ku biseda e tyre e fundit kishte qenë rreth orës 12.00.
“Klevisi ka qenë në kërkim nga policia për shkak të një konflikti që kishte me shtetasin Maringlen Hoti. Për këtë arsye ai qëndronte i fshehur. Hera e fundit që fola me të ishte me datë 5 Gusht 2020 rreth orës 12.00 nëpërmjet whats app”, ka deklaruar Fatbardha Lleshi.
Por nëna e Klevis Lleshit duket se kishte informacione të sakta lidhur mbi personat me të cilët djali i saj ishte parë për herë të fundit në të gjallë.
Një nga këta emra që ajo përmendi ishte edhe Sabah Nuzi i thirrur ndryshe si Sabi. Një personazh me rekorde të shumta penale në zonë. Dëshmi të cilat ajo dhe të afërmit e saj i kishin marrë në rrugë operative.
Aty ku kishin mësuar po kështu se Maringlen Hoti, personi me të cilin Klevisi ishte konfliktuar dhe qëndronte i fshehur pas shpalljes në kërkim nga policia, ishte shprehur në shoqërinë e tij se Klevisin e kishte parë pasditen e datës 5 gusht në dalje të tunelit të Shkopetit në shoqërinë e Sabah Nuzit, jashtë një makine, duke pirë të dy cigare. dub
Por duke qenë se Maringleni ishte në konflikt me Klevisin dhe ishte i interesuar të dinte vendndodhjen e tij, ai mësohet se ishte kthyer sërish me makinë në vendin ku e kishte parë për herë të fundit atë në shoqërinë e Sabah Nuzit.
Por me t’u kthyer në hyrje të tunelit të Shkopetit, kishte konstatuar që automjeti i këtij të fundit nuk ishte në njëjtin vend. Por kishte lëvizur te një shtëpi e braktisur.
“Ajo që dua të deklaroj është se në lidhje me zhdukjen e djalit tim Klevisit unë kam dyshime të forta te shtetasi Sabah Nuzi. Si dhe te personat e tjerë, që atë ditë kanë qenë në praninë e tij.
Po kështu ne kemi mësuar se Maringlen Hoti është shprehur në rrethin e tij shoqëror se më datë 5 Gusht 2020, rreth orës 16.00, pasi ka kaluar tunelin e Shkopetit, ai ka parë makinën e Sabah Nuzit të parkuar në cep të rrugës dhe vetë Sabahun që ishte jashtë makinës duke pirë cigare me Klevisin.
Dhe se ai Maringleni ishte kthyer sërish te i njëjti vend, por makina kishte lëvizur te një shtëpi e braktisur. Ndërkohë që A. D më ka thënë që ditën e zhdukjes së Klevisit, ai ka parë disa pamje filmike të kamerave të sigurisë në afërsi të lokaleve ‘Koliqi’ dhe ‘Ballabani’, ku kishte dalluar një automjet ‘Mercedes Benz’ me xhama të zinj, që rreth orës 14.40 të asaj dite kishte bërë xhiro aty dhe më pas ishte larguar”, mësohet të ketë thënë nëna e Klevis Lleshit.
Shoqërimin e Klevis Lleshit me Sabah Nuzin ditën e ngjarjes e konfirmuan edhe të tjerë dëshmitarë okularë që kishin qenë në praninë e tij.
Njëri prej tyre R. U, tha për oficerët e policisë se në të njëjtën ditë kur pretendohej se ishte zhdukur ai e kishte parë Klevisin në prani të Sabah Nuzit, në cep të lokalit ku po qëndronin, në shoqëri edhe të disa personave të tjerë. Më pas ata ishin larguar dhe Klevisi kishte mbetur në praninë e Sabah Nuzit dhe një personi tjetër që rrinte shtrirë në makinë.
“Më datë 5 Gusht 2020 unë kam qenë në lokalin ‘Koliqi’, dhe bashkë me mua në këmbë duke pirë cigare kanë qenë edhe tre persona të tjerë, si edhe Klevis Lleshi, Sabah Nuzi dhe një person që rrinte shtrirë në makinë që nuk ia di emrin.
Pasi unë dhe tre personat e tjerë u ulëm në kafe, Klevisi vazhdoi të qëndronte jashtë lokalit me Sabahun dhe personin tjetër, duke biseduar me njëri-tjetrin.
Më tej unë nuk e di se ku shkuan Klevisi, Sabahu dhe personi tjetër. Unë qëndrova në lokal deri në orën 21.00 dhe më pas lëviza drejt Milotit dhe më tej drejt Tiranës”, ka deklaruar një nga dëshmitarët që e panë për herë të fundit Klevis Lleshin. U tha për oficerët e policisë gjyqësore se vetëm të nesërmen ai mësoi se Klevis Lleshi ishte zhdukur. Dhe këtë ia tha një shoku i tij.
Por dyshimet e nënës së Klevis Lleshit se Sabah Nuzi ishte personi që kishte dorë në rrëmbimin dhe më pas zhdukjen e të birit, mbetën vetëm të tilla në atë kohë. Edhe pse i gjithë Burreli kur vinte fjala te zhdukja e Klevis Lleshit nuk ngurronte të përmendte emrin e tij, askush nuk kishte prova të mjaftueshme që të provonte bashkëpunimin e tij në krim.
Por ajo që do të përbënte një çudi më vete dhe që do të përkonte me gjetjen e eshtrave të Klevisit, ishte fakti se mbetjet e trupit të tij u gjetën të groposura në pronën e familjes Kolaveri që ishte lidhje gjaku me atë Hoxha që ishin hasmët e familjes Lleshi. Lidhje gjaku me familjen e Ali Hoxhës që i pranoi dhe vetë Edmond Kolaveri. Pronari i ullishtes në fshatin Shpërdhet në Mamurras, ku më datë 8 Dhjetor 2020, u gjetën mbetjet kockore.
“Ali Hoxha është bashkëshorti i hallës sime, dhe djemtë e tij i kam djem halle. Po kështu Ali Hoxha banon në të njëjtën lagje ku banoj edhe unë dhe i kemi shtëpitë ngjitur, në lagjen ‘Demokracia’, në Shpërdhet, Mamurras”, ka deklaruar në polici Kolaveri.
Por a ishte kjo një ngatërresë e qëllimshme nga ata që kishin kryer krimin, për ta groposur pikërisht trupin në tokën në pronësi të hasmit të tyre.Apo kjo ishte një mënyrë për t’u kujdesur që trupi të ruhej pikërisht në pronën e tyre me qëllim që të mos gjendej asnjëherë nga familjarët e viktimës dhe policia.
E vërteta është që Edmond Kolaveri duket se nuk ishte i informuar për këtë fakt. Në të kundërt ai nuk kishte pse të kallëzonte në polici gjetjen e eshtrave të një personi që ishte në hasmëri dhe mund të implikonte familjen e tij.
Por për të zbuluar të gjithë mekanizmin dhe autorët e këtij krimi makabër do të duhet të kalonin shumë kohë. Madje vite, derisa në lojë u futën bisedat në Sky Ecc.
Ku ashtu si në shumë raste të ngjashme, vrasësit u kishin besuar të gjitha krimet e tyre. Siç në fakt kishin bërë edhe porositësi, autori dhe ndërmjetësi në zhdukjen e Klevis Lleshit.
Biseda tronditëse të cilat jo vetëm zbuluan grupin por edhe mendësinë kriminale me të cilën ata vepronin. Gjë që shihet qartë edhe te bisedat në Sky Ecc të siguruara nga emisioni ‘Në Shënjestër’. Materiale të vëna në dispozicion për SPAK nga nga autoritetet ligjzbatuese në Francë.
Një aksident u regjistrua pasditen e kësaj të marte në vendin e quajtur Qafë Plloçë, në aksin rrugor Pogradec-Kor&cced...
Gjykata e Lartë kalon përfundimisht në llogari të shëtit 3.4 milionë eurot e konfiskuara në dosjen Toyota Yaris. Gjykata e L...
Nga 1 Janari 2026 pronat në Shqipëri do të kushtojnë më shtrenjtë. Projektligji i Ministrisë Financave që përcakt...
Autoriteti Kombëtar i Ushqimit ka njoftuar se ka gjobitur në Tiranë dy subjekte për tregtim pa licencë të pesticideve, si dhe u ...
Tre të rinj Marsel Margjoni, Henri Ismaili dhe Pietro Gega, janë arrestuar pasi udhëtonin me me automjet me lëndë...
Tom Doshi, kreu i Partisë Socialdemokrate, është paraqitur sot për herë të dytë në Prokurorinë e Posaçme (...
Gjykata e Elbasanit ka reaguar zyrtarisht pas incidentit të ndodhur gjatë seancës së vlerësimit të masave të sigurisë ...
Gjykata e Lartë ka vendosur të prishë vendimin nr. 06, datë 13.02.2024, të Gjykatës së Posaçme të Apelit, duke ...
Pyetja që shtrohet është: mos vallë pas gjithë kësaj zhurmënaje për sigurinë kombëtare fshihet tentativa p&e...
Një 26-vjeçar nga Tropoja është zhdukur në rrethana misterioze, ndërsa kishte dalë ditën e hënë me në...
