Protesta e studentëve në Universitetin “Aleksandër Moisiu” në Durrës është shfaqur edhe në ambientet e kam...
AKTUALITET
Një mijë euro në filxhanin e kafes, Apeli GJKKO lë në burg edhe inspektorin tjetër të IMT (emri)
PiranjatPërditësimi i fundit 30 Shtator 2025, 12:14
Gjykata e Posaçme e Apelit ka lënë prapa hekurave edhe inspektorin tjetër të IMT-së, Geraldo Fuçia, i arrestuar rreth një muaj më parë për ryshfet ndaj një biznesi në Tiranë për të mos i shembur tëndën e lokalit.
Në këtë mënyrë, gjyqtarja e Apelit Igerta Hysi ka lënë në fuqi vendimin e 30 gushtit ndaj inspektorit. Denoncimi për këtë rast korruptiv u bë nga vetë pronari i objektit, në zonën e Kombinatit. Ai shkoi menjëherë në polici dhe kallëzoi se 4 punonjës të IMT-së, shkuan në biznesin e tij, ku konstatuan një tendë që përdorej për lokalin e vendosur brenda oborrit të banesës. Pas konstatimit, e kanë njoftuar se tenda do të prishet pasi është pa leje. Por pasi largohen, njëri prej tyre kthehet pas disa minutash dhe takon pronarin duke i thënë se i ofron marrëveshje që në këmbim të 1000 eurove, nuk do t’ia prishnin tendën.
Menjëherë pas sinjalizimit të rastit policia u drejtua në SPAK, ku mori autorizim për përgjime e vëzhgime ambientale si dhe simulim të dhënies së parave. Shuma e parave është vendosur në dispozicion nga policia, e cila ia ka dhënë pronarit të lokalit që t’ia dorëzonte inspektorëve. Në kohën kur 1 mijë eurot iu dorëzuan punonjësit të IMT-së Klajdi Zhilla, 3 kolegët e tjerë e prisnin brenda një lokali tjetër aty pranë. Menjëherë policia ka hyrë në lokal dhe në ato momente inspektorët i kanë fshehur paratë në një gotë plastike në banakun e lokalit.
