Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
AKTUALITET
Nuk hidhnin gjobat në sistem, Gjykata e Kukësit lë në fuqi masat për 22 efektivët
n.fPërditësimi i fundit 21 Shtator 2024, 22:33
Foto ilustruese
KUKËS- Ditën e sotme janë rikonfirmuar masat paraprake te sigurisë per 22 efektivet e policisë, te cilët një ditë më parë u faktua se ishin përfshire në një skemë vjedhjeje të pagesave të gjobave te drejtuesve te automjeteve. Gjykata pas një seance maratonë të nisur që në orën 11:00 e deri në pasdite vonë vendosi te mos ndryshoje asnjë nga masat e dhëna me herët.
Agjencia e Mbikqyrjes Policore, AMP një njoftimin e bërë ditë më parë ka bërë me dije se ka ekzekutuar 22 masa sigurie ndaj 22 punonjësve të policisë në Kukës ndërsa ata akuzohen për për veprat penale “Vjedhje duke shpërdoruar detyrën” dhe “Shpërdorim detyre”. 6 prej tyre janë në arrest me burg ndërsa 16 të tjerët janë nën masën "detyrim paraqitje".
Më tej në njoftim bëhet me dije se këto masa u morën pas hetimeve disa mujore me metoda speciale nën drejtimin e Prokurorisë ku u bë e mundur dokumentimi me prova ligjore i abuzimit të punonjësve të policisë së qarkullimin rrugor, në rastet e konstatimit të shkeljeve nga ana e drejtuesve të mjeteve me targa të huaja.
AMP shton se punonjësit e policisë konstatonin shkeljen, administronin shumën monetare duke i dhënë drejtuesit të mjetit procesverbalin përkatës dhe në vijim nuk kryenin arkëtimet dhe nuk bënin pasqyrimet përkatëse në sistem, me qëllim përvetësimin në mënyrë të paligjshme të vlerave monetare nga gjobat administrative, në shumën prej 2.200.000 lekë.
