Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
“Nuk kam ngacmuar asnjë vajzë”/ I riu shqiptar me nofkën “baroni i burgut” arrestohet rastësisht pas një muaji në arrati (Emri)
PiranjatPërditësimi i fundit 15 Tetor 2025, 12:52
Një 27-vjeçari shqiptar me nofkën "baroni i burgut" është në duart e policisë greke pas rreth një muaji që kurse u arratis nga burgu i Kasandrës më 18 shtator 2025. 27-vjeçari u arrestua të martën pasdite gjatë një kontrolli të rastësishëm policor. Ylli Shkalla kishte me vete një pistoletë ndërsa makina që po drejtonte ishte marrë me qira në emrin e dikujt tjetër.
Një grua ishte gjithashtu me të. Ndërsa qëndronte në arrati, ai foli për mediat greke, duke treguar edhe arsyet e arratisjes.
"U largova nga burgu sepse kohët e fundit pata disa probleme me familjen dhe fëmijën tim dhe më duhej t'i zgjidhja. Isha i mërzitur, doja t'i shihja. Çdo person për familjen e tij mund ta bënte këtë. U largova nga burgu dhe që andej erdhën dhe më morën. U largova menjëherë nga zona. Nuk qëndrova. Kisha bërë gjithçka të rregulluar për t'u larguar. Një shofer erdhi dhe më mori”, thoshte ai.
Shqiptari u akuzua më herët edhe për vrasjen e një ukrainase por gjurmët e ADN-së rezultuan se nuk ishin të tijat. “Më vjen shumë keq, ndihem keq sepse mbi të gjitha nuk mund ta kuptoj se si doli e gjithë kjo që e bëra unë dhe në fund dolën dhe thanë se kishin gabuar.
Në Greqinë Veriore ku jetoja, të gjithë më njohin. Nuk do të ishte kurrë e mundur për mua të shkoja dhe të vrisja. Dua që e gjithë bota ta dijë se nuk kam ngacmuar kurrë asnjë vajzë”, thotë ai.
