Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
AKTUALITET
“Nuk mbaj gjë mend!" Vrasja e Martin Canit/ Autori i dyshuar hesht, çfarë dihet deri më tani?
M.B.Përditësimi i fundit 23 Nëntor 2024, 09:09
TIRANA- Ditën e diejshme 14-vjeçari Mario Prelleshaj, i akuzuar për vrasjen e bashkëmoshatarit Martin Cani, u la nën masën "burg pa afat" nga gjykata. Masa ndaj tij u dha në një spital privat, ku po kurohet për shkak të një plage që ka në dorë dhe që nuk dihet ende se në çfarë rrethanash e ka marrë.
Bëhet me dije se minoreni i dyshuar si autor ka refuzuar të flasë për ngjarjen duke thënë vetëm: “Nuk mbaj gjë mend”. Prelleshaj refuzoi të tregojë se ku e ka hedhur armën e krimit, se ku i ka çuar sendet personale, se kush kanë qenë personat që e kanë ndihmuar, se përse ka bërë sherr me Martinin, se sa ditë kishte sherri mes tyre, etj.
Policia ditën e djeshme ka shkuar në vendin e ngjarjes për të marrë pamjet filmike. Një material audio i shpërndarë po ditën e djeshme nga kreu i PD-së, Sali Berisha, paraqet disa prej dikutimeve në një mbledhje mësues-prind ku thuhej se djali i akuzuar si autor ka pasur thikën në klasë.
Në mbledhjen e zhvilluar në shkollë, prindërit kanë akuzuar drejtoreshën e shkollës, mësuesen kujdestare, oficeren e sigurisë si dhe psikologen, ndonëse audioja e publikuar nuk paraqet se kur ka ndodhur mbledhja në shkollën e masakrës. Gjithashtu mbrëmjen e shkuar u njoftua se është gjetur nga një qytetar thika e cila u përdor në vrasjen e 14-vjeçarit Martin Cani. Sipas inforamacioneve thika është gjetur bashkë me çantën e shkollës nga një qytetar në afërsi të ATSh-së, në rrugën "Fadil Rada".
Vrasja e Martin Canit
Martin Cani humbi jetën mesditën e 18 tetorit pasi u qëllua me thikë në bark nga bashkëmoshatari i tij, Mario Prelleshaj. Ngjrja e rëndë ka ndodhur pas një konflikti mes dy të miturve që ka degraduar në përdorimin e thikës. Mario Prelleshaj dyshohet se ka qenë në klasë paralele me viktimën, në shkollën 9-vjeçare Fan Noli. Konflikti mes të miturve raportohet se ka nisur në oborrin e shkollës, ndërsa ka agravuar jashtë ambienteve të saj. Autori ka nxjerrë thikën dhe ka qëlluar mbi 14-vjeçarin, Martin Cani.
Pasi është goditur me thikë, Cani është afruar tek shkolla, ka ecur disa metra dhe pasi ka nisur të humbë gjak, është rrëzuar në trotuarin para shkollës. Si pasojë e plagëve të marra, Cani ka ndërruar jetë në spital. I plagosur nga ky sherr ka mbetur edhe shoku i ngushtë i viktimës, i cili nuk mësonte në të njëjtën shkollë me to, po stërviteshin në të njëtin klub futbolli. I plagosur mbeti edhe vetë autori, i cili po trajtohet në një spital privat.
Pak çaste pas krimit të rëndë autori kishte postuar foto me thikën më të cilin autori kreu vrasjen dhe dorën e tij e gjakosur që u plagos gjatë konfliktit. Po ashtu edhe në aplikacionin "Snapchat", kishte publikuar një tjetër foto ku shihet i pashqetësuar për krimin që ka kryer. Në foto si për të demonstruar forcën mbante grushtin lart.
Po ashtu nga fotoja vihet re se autori ndodhet në një makinë, të cilët dyshohen se e kanë marrë atë nga vendngjarja, menjëherë pas krimit që kishte kryer. Ata që kanë marrë autorin e mitur nga vendi i ngjarjes, dyshohet se janë lajmëruar nga vetë ai dhe kanë ardhur me automjetet e tyre nga Sauku. Sipas informacioneve, ky grup nga Sauku rezultojnë të përfshirë edhe në konflikte të tjera.
