Deklaratat qesharake të liderit shqiptar nuk kanë fund! Sot, Edi Rama u ka bërë thirrje drejtuesve dhe përfaqësuesve të Par...
AKTUALITET
Operacion ndërkombëtar për trafikun e drogës dhe pastrimin e parave, lëshohen 61 masa arresti në Itali, Shqipëri, Zvicër dhe Poloni
n.fPërditësimi i fundit 25 Shtator 2024, 11:35
Foto ilustruese
TIRANË- Një opercion ndërkombëtar është zhvilluar në disa shtete ndërsa janë lëshuar 61 masa arresti. Mësohet se shtetet ku shtrihet ky operacion janë në Itali, Shqipëri, Zvicër dhe Poloni. Më tej raportohet se ky operacion vjen pas një hetimi të gjatë dhe koordinimit mes autoriteteve ligjzbatuese italiane, me Europol, Eurojust, Zyrës së Ekspertit të Sigurisë pranë Ambasadës Italiane në Tiranë, dhe forcave policore shqiptare, polake dhe zvicerane.
Personat janë nën hetim për krijimin e një organizate kriminale me qëllim trafikun ndërkombëtar të drogës, e cila dyshohet se ka pastruar edhe fitimet nga aktiviteti i paligjshëm. Organizata dyshohet se ka pastruar fitimet e paligjshme përmes një sistemi të provuar të “faturave për operacione joekzistente”. Ndaj personave nën hetim janë lëshuar urdhra për sekuestrim parandalues, me qëllim konfiskimin e pasurive me vlerën totale mbi 60 milionë euro, si produkte të veprave kriminale. Detaje të tjera pritet të bëhen të ditura në orët në vijim.
Aktiviteti kriminal u zbulua nga bisedat e zbërthyera nga SKY ECC dhe përgjimeve telefonike. Grupi kriminal kishte selinë në Shqipëri dhe do të importonte drogën nga Amerika e Jugut në Evropë duke përdorur rrugët e transportit tregtar dhe më pas do ta sillte në Itali duke e lëvizur me kamionë, duke kaluar nga Spanja ose Holanda.
Paratë e përfituara nga shitja e kokainës, i dorëzohej një shoqatë italo-kineze, e cila transferonte kapitalin e paligjshëm jashtë vendit. Shuma e madhe e parave nga trafiku i drogës rridhte nëpërmjet një shtetasi kinez që jetonte në zonën e Breshias, në një sistem pastrimi parash që synon të fitojë para nga faturat e rreme (të barabarta me 375 milionë euro) të lëshuara nga sipërmarrës të pajtueshëm.
Ky mekanizëm u jepte trafikantëve të drogës një avantazh të trefishtë në krahasim me sistemet më tradicionale të transferimit të parave të gatshme përmes transportit fizik ndërmjet kufijve: minimizimi i rrezikut për t’u zbuluar gjatë kontrolleve doganore dhe policore në rrugë, futja e të ardhurave nga krimi dhe kursimi i komisioneve për shkak të transfertave.
Krahas masave paraprake të ditës së sotme, shkruajnë mediat italiane, gjatë veprimeve hetimore tashmë janë arrestuar në flagrancë 21 kriminelë të shoqatës dhe sekuestruar rreth 2 milionë euro e gjysmë cash, 5 pistoleta dhe municione përkatëse, 8 makina dhe 360 kg kokainë, e cila nëse do të dilte në treg mund të kishte fituar rreth 30 milionë euro.
