Burime mediatike se asnjë nga tre të plagosurit nuk ka qenë objektiv i atentatit mbrëmë në Elbasan, por një person tjet&e...
AKTUALITET
Operacioni antidrogë, dalin detaje: SPAK ishte në dijeni të lëvizjeve të grupit, i lanë të sillnin dy ngarkesa në Shqipëri
I.APërditësimi i fundit 17 Nëntor 2024, 14:16
TIRANË- Detaje të reja kanë dalë nga operacioni anti-drogë i Prokurorisë së Posaçme dhe agjentëve të huaj në zonën e 'Kodrave të Diellit' në Tiranë. Mësohet se SPAK ka qenë në dijeni të lëvizjeve të grupit dhe për këtë arsye i kanë mbajtur në vëzhgim për më shumë se dy muaj.
Fillimisht grupi ka sjell ngarkesën e parë nga Amerika Latine në muajin shtator në Shqipëri. Ndërkohë që sipas përgjigjmeve ngarkesa e dytë nga vendet latine për në Tiranë ka qenë në muajin nëntor. Por nga ana tjetër, bëhet me dije se ky operacion vijon edhe në qytete të tjera, si në Durrës dhe Kavajë për shkak se grupi përdorte zona të ndryshme dhe objekte të ndryshme duke e zhvendosur vendin ku përpunohej kokaina.
Operacioni u zhvillua në disa zona si Kavajë, Shkozet, Vorë, Kamëz, Qerek dhe Tiranë te Kodra e Diellit. Ndërkohë një punishte droge gjithashtu u zbulua në fshatin Qerekë të Fushë Krujës. Gjatë këtij operacioni janë sekuestruar disa kg lëndë narkotike e llojit kokainë dhe përzierës.
Gjatë aksionit prokuroria arrestoi 10 persona, 7 prej të cilëve shqiptarë dhe 3 të huaj. Një pjesë e të dyshuarve u prangosën teksa drekonin në një lokal në Vishnje, ndërsa një tjetër në një vilë luksoze në zonën e Kodrës së Diellit 2. Hetimet për goditjen e këtij grupi zgjatën më shumë se 1 vit e gjysmë, ndërsa mendohet se struktura e grupit është re mirëoganizuar dhe me role të mirëpërcaktuara.
