Operacioni i SPAK/ GJKKO caktoi "Arrest me burg" për 9 të arrestuar, ja kur do të zhvillohet seanca për 5 të tjerët

Gjykata e Posaçme kundër Korrupsionit dhe Krimit të Organizuar

TIRANË - Gjykata e Posaçme kundër Korrupsionit dhe Krimit të Organizuar, caktoi pasditen e sotme masën "arrest me burg" për 9 nga 14 të arrestuarit në kuadër të operacionit të zhvilluar nga Prokuroria e Posaçme (SPAK).

Në burg janë lënë Armando Ndreca, Naim Stafuka, Robert Laçi, Viktor Imeraj, Satilno Basho, Deivis Bajramaj, Drianto Bardhi dhe Miri Bruli. Ndërkohë, GJKKO bën me dije se të hënë në orën 10:00 do te zhvillohet seanca gjyqësore për 5 të arrestuar.

“Gjykata me vendimin nr50, dt. 19.05.2024 vendosi vijimin e mases se sigurimit arrest ne burg per 9 te arrestuar. Nderkohe, me dt. 20.05.2024 ora 10:00 do te zhvillohet seanca gjyqesore per 5 te arrestuar”, thuhet në njoftimin e GJKKO.

Operacioni i SPAK nisi ditën e premte dhe u shtri në disa qytete kryesore në vend, ku u lëshuan 50 urdhër arreste. Në kuadër të operacionit u ekzekutuan 14 urdhër arreste, 6 prej të cilave jashtë Shqipërisë. Gjatë operacionit janë ushtruar kontrolle në 50 banesa, në Tiranë, Durrës, Vlorë, Shkodër, Lezhë, Rrëshen, Kurbin, Fushë-Krujë dhe Krujë, ku ishin dhe bazat e grupeve kriminale. Sipas SPAK janë goditur 7 grupe kriminale, dhe gjatë operacionit u sekuestruan edhe automjete të blinduara, bizhuteri, lingota floriri dhe vlera monetare, për një total prej afro 4.5 milionë euro, nga të cilat 3 milionë euro janë cash.

gjkko spak