Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
AKTUALITET
"Ortaku i ish-drejtorit të ARRSH, Ervis Berberit!" Apeli i GJKKO kthen në burg biznesmenin Elvis Lami
M.B.Përditësimi i fundit 25 Korrik 2024, 10:12
Foto ilustruese
TIRANA- Apeli i GJKKO ka rikthyer në burg biznesmenin Ervis Lami, ortakun e ish-drejtorit të ARRSH, Evis Berberi. Lami, administronet firmën "DAAM", e cila sipas Prokurorisë së Posaçme ishte në pronësi të kreut të ARRSH-së Evis Berberi.
Bëhet me dije se përfitimi i Berberit ka qenë një shumë gati 2.2 milionë euro të cilat përmes kompanisë "DAAM" shpk. janë investuar në pasuri të paluajtshme.
SPAK pati sekuestruar më herët pasuritë e Lamit, konkretisht kompania DAAM dhe 5 sipërfaqe toke të kësaj kompanie. Sipas Prokurorisë së Posaçme, Berberi me paratë ka blerë pasuri të patundshme në Mangull të Tiranës.
VENDIMI:
Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Saida Dollani, sot më 25.07.2024, shpalli vendimin mbi çështjen penale nr. 160 akti, datë 17.07.2024 regjistrimi, mbi ankimin e Prokurorisë së Posaçme kundër Korrupsionit dhe Krimit të Organizuar, me objekt: “Ankim ndaj vendimit nr. 312, datë 13.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar”, ndaj shtetasit nën hetim E.L., disponuar në lëndë të masave të sigurimit personal, dhe vendosi:
•Ndryshimin e vendimit nr. 312, datë 13.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar në pikën e disponimit për zëvendësimin e masës së sigurimit personal si më poshtë: •Vazhdimin e masës së sigurimit personal me karakter shtrëngues “arrest në burg” parashikuar nga neni 238 i K.Pr.Penale, e caktuar me vendimin nr. 21, datë 13.03.2024 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj personit nën hetim E.L.
